Gagnastuldur og njósnir PPP | 30. apríl 2025
Setur af stað athugun á aukastörfum starfandi lögreglumanna
Lögreglustjórinn á höfuðborgarsvæðinu hefur sett af stað athugun á aukastörfum starfandi lögreglumanna í kjölfar umfjöllunar fréttaskýringarþáttsins Kveiks í gær.
Setur af stað athugun á aukastörfum starfandi lögreglumanna
Gagnastuldur og njósnir PPP | 30. apríl 2025
Setja bókamerki
Lögreglustjórinn á höfuðborgarsvæðinu hefur sett af stað athugun á aukastörfum starfandi lögreglumanna í kjölfar umfjöllunar fréttaskýringarþáttsins Kveiks í gær.
Lögreglustjórinn á höfuðborgarsvæðinu hefur sett af stað athugun á aukastörfum starfandi lögreglumanna í kjölfar umfjöllunar fréttaskýringarþáttsins Kveiks í gær.
Þetta kemur fram í tilkynningu frá lögreglunni.
Í gær var m.a. greint frá því að varðstjóri hjá umferðardeild lögreglunnar á höfuðborgarsvæðinu væri grunaður um að hafa njósnað um fólk gegn greiðslu. Málið nær aftur til ársins 2012.
Málið sent strax til ríkissaksóknara
„Þegar lögreglustjóra varð kunnugt um efni umfjöllunar Kveiks í gær var málið sent þá þegar, að frumkvæði embættisins, til meðferðar hjá embætti ríkissaksóknara. Í beinu framhaldi var viðkomandi lögreglumaður sendur í leyfi á meðan rannsókn þess fer fram.
Í tilefni þessa máls hefur embætti lögreglustjórans á höfuðborgarsvæðinu jafnframt sett af stað athugun á aukastörfum starfandi lögreglumanna. Í gildi eru reglur um slíkt þar sem gert er ráð fyrir að sækja þurfi um sérstaka heimild til þess að sinna öðrum störfum samhliða,“ segir í tilkynningunni.
Mikilvægt að lögreglan njóti trausts
Þá segir að embættið líti málið mjög alvarlegum augum.
„Afar mikilvægt er að lögreglan njóti trausts meðal borgaranna til þess að hún geti rækt hlutverk sitt. Skýrar kröfur eru gerðar til þess að störf lögreglu séu unnin af fagmennsku og innan þeirra heimilda og reglna sem hún starfar eftir. Verði misbrestur þar á er tekið á þeim málum af festu.
Að öðru leyti mun embættið ekki tjá sig um mál það sem nú er til meðferðar hjá ríkissaksóknara.“
