Bergþór Ólason þingmaður Miðflokks­ins sagðist á fundi stjórn­skip­un­ar- og eft­ir­lits­nefnd­ar fyrr í dag vart trúa því að for­sæt­is­ráðherra hefði ekki rætt strax við mennta- og barna­málaráðherra þegar lá fyr­ir hvert er­indið var.

Frétt af mbl.is

Stand­ist ekki „skyn­sem­is­skoðun“

Í sam­tali við blaðið að lokn­um fundi sagði hann það ekki traust­vekj­andi að fyrst nú væri greint frá fundi for­sæt­is­ráðherra með Ásthildi Lóu Þórs­dótt­ur þáver­andi mennta- og barna­málaráðherra föstu­dag­inn 14. mars, sem ekki birt­ist í tíma­línu for­sæt­is­ráðuneyt­is­ins yfi­ir at­b­urði og sam­skipti frá því að fund­ar­beiðni kom fyrst til ráðuneyt­is­ins vegna máls­ins og þangað til Ásthild­ur Lóa sagði af sér. 

„Það stenst enga skyn­sem­is­skoðun að þá hafi ráðherr­arn­ir tveir átt fund í for­sæt­is­ráðuneyt­inu en þetta mál ekki verið nefnt á nafn,“ seg­ir Bergþór.

„Það er ein­hver ósögð saga þarna.“

Frétt af mbl.is

Tel­ur upp­lýs­ing­um ekki hafa verið lekið

Hann seg­ir for­sæt­is­ráðherra hafa gengið „býsna hart fram“ í því að skilja við málið þannig að Ólöf Björns­dótt­ir, það er kon­an sem sendi for­sæt­is­ráðuneyt­inu er­indið er varðaði Ásthildi Lóu, væri að segja ósatt um beiðni sína um trúnað í síma­sam­skipt­um sín­um.

„Það ligg­ur fyr­ir að það eru eng­ar staðfest­ing­ar í þeim efn­um sem hafa verið lagðar fram eða mögu­legt er að leggja fram í ljósi þess að sím­töl­in eru ekki tek­in upp,“ seg­ir Bergþór.

Ábyrgðarflótti for­sæt­is­ráðherra

Bergþór seg­ir enn­frem­ur „ábyrgðarflótt­ann“ hafa verið býsna áber­andi hjá for­sæt­is­ráðherra í mál­inu.

„Svona í ljósi þess að það mál sem við stönd­um nú frammi fyr­ir er til að miklu leyti til­komið vegna upp­lýs­inga sem bár­ust frá for­sæt­is­ráðuneyt­inu til mennta­málaráðherra. Mál sem að bréf­rit­ari hafði rétt­mæt­ar vænt­ing­ar um trúnað gagn­vart.“

Frétt af mbl.is

Óvíst hvort málið hefði dagað uppi

Málið hafi orðið hápóli­tískt strax með þeim viðbrögðum sem að for­sæt­is­ráðherra og henn­ar fólk sýndi í mál­inu.

„Það ligg­ur núna fyr­ir að menn hafa orðið marg­saga um það hvernig upp­lýs­ing­arn­ar fóru á milli. Það ligg­ur fyr­ir að þess­um upp­lýs­ing­um var deilt áfram af aðstoðar­manni for­sæt­is­ráðherra.

En það var at­hygl­is­vert að Kristrún lít­ur þannig á að sam­skipti aðstoðarmanna séu í raun sam­skipti ráðherr­anna sjálfra, þannig að það þarf að líta á það sem svo að upp­lýs­ing­arn­ar fari með bein­um hætti frá for­sæt­is­ráðherra sjálf­um til mennta­málaráðherra sjálfs. Sem að ýtir síðan þess­ari at­b­urðarás af stað sem að sem við höf­um orðið vitni að síðan.“