Það er óhætt að segja að banda­ríska raun­veru­leika­stjarn­an og yngsta Kar­dashi­an-syst­ir­in, hin fjöru­tíu ára gamla Khloé Kar­dashi­an, sé nær óþekkj­an­leg á ljós­mynd­um sem hún birti á In­sta­gram-síðu sinni á mánu­dag.

Kar­dashi­an, sem var lengi titluð „feita syst­ir­in“, hét því að breyta lífs­hátt­um sín­um eft­ir að hún skildi við körfu­bolta­mann­inn Lam­ar Odom árið 2016, og hef­ur nú skafið af sér rúm 18 kíló og byggt upp vöðvamassa með breyttu mataræði og styrkt­arþjálf­un.

Frétt af mbl.is

Var kölluð feita syst­ir­in

Raun­veru­leika­stjarn­an stillti sér upp ásamt börn­um sín­um, True og Tatum, á bik­iníi einu klæða í nýrri færslu og virðist hún afar sátt í eig­in skinni, ef marka má mynd­irn­ar.

Fylgj­end­ur Kar­dashi­an, sem telja 303 millj­ón­ir á sam­fé­lags­miðlasíðunni, hrósuðu henni í há­stert fyr­ir hraust­legt og geislandi út­lit, en marg­ir minnt­ust sér­stak­lega á maga­vöðvana.