Ítrekað var búið að vara við bys­su­m­anni sem grunaður er um að hafa haldið ferðamanni í gísl­ingu í nokkr­ar klukku­stund­ir. Maður­inn sat í fang­elsi þar til um miðjan sept­em­ber á síðasta. Hann er með fjölda dóma á bak­inu og hef­ur m.a. áður hlotið dóm fyr­ir nauðgun og frels­is­svipt­ingu. 

Maður­inn fékk ekki reynslu­lausn vegna veik­inda sinna held­ur sat hann af sér all­an dóm­inn. Í fang­els­inu var hann lang­tím­um sam­an í ör­yggis­vist­un og ein­angr­un. 

Þegar afplán­un lauk sendu fang­els­is­mála­yf­ir­völd er­indi á stjórn­völd þar sem bent var á að æski­legt væri að finna sér­tækt úrræði fyr­ir þenn­an ein­stak­ling.

Frétt af mbl.is

Bys­sumaður­inn hafi haldið ferðamanni í gísl­ingu

Létu yf­ir­völd vita 

Ráðuneyt­in höfðu svo sam­band við Reykja­vík­ur­borg þar sem beðið var um að finna úrræði fyr­ir ein­stak­ling­inn. Mál manna er að fé­lagsþjón­ust­an sé illa í stakk búin til þess að út­vega úrræði fyr­ir menn sem geta tal­ist hættu­leg­ir eða veik­ir líkt og til­fellið er í máli bys­su­manns­ins.   

Birg­ir Jónas­son fang­els­is­mála­stjóri seg­ir að dæmi séu um að varað sé við mönn­um þegar þeir ljúka afplán­un. 

„Án þess að tjá sig um ein­stök mál þá er ljóst að við höf­um áhyggj­ur af viss­um ein­stak­ling­um sem eru í veikri stöðu og við höf­um látið viðeig­andi yf­ir­völd vita upp á að hægt sé að vera með ut­an­um­hald um þessa ein­stak­linga. Því það skort­ir skýr úrræði og stuðning,“ seg­ir Birg­ir. 

Birg­ir Jóns­son, settt­ur fang­els­is­mála­stjóri. Ljós­mynd/​aðsend

Hætt­ir ekki að verða veik­ur á einni nóttu

Bys­sumaður­inn glím­ir m.a. við þroska­skerðingu. Guðmund­ur Ingi Þórodds­son, formaður Af­stöðu, fé­lags fanga, seg­ir að ít­rekað hafi varað við mann­in­um. Meðal ann­ars gerði hann það í viðtali á mbl.is í októ­ber á síðasta ári.

Guðmund­ur Ingi Þórodds­son, formaður Af­stöðu. mbl.is/Á​rni Sæ­berg

Frétt af mbl.is

„Hætt­an af þess­um mönn­um var þekkt“

„Við vor­um að lengi að und­ir­búa það með yf­ir­völd­um að þessi maður myndi losna úr fang­elsi. En svo þegar kom að því að maður­inn losnaði þá var eig­in­lega ekk­ert kerfi sem greip hann. Nú losn­ar þessi maður vænt­an­lega brátt úr gæslu­v­arðhaldi og hvað tek­ur þá við? Hann hætt­ir ekki að verða veik­ur á einni nóttu og þarf þann stuðning sem þarf og það þarf að und­ir­búa. Þetta er ekki maður sem þarf að loka inni í ör­yggis­vist­un eða ein­angr­un. Hann þarf ann­ars kon­ar úrræði.“

Óvenju mörg mál

Mál manns­ins sem upp er komið er að minnsta kosti hið þriðja sem fram hef­ur komið þar sem op­in­ber kerfi hafa vitað af hættu af mönn­um. Þannig er maður sem grunaður er um að hafa myrt móður sína í Breiðholti, Al­freð Erl­ing Þórðar­son sem var úr­sk­urðaður ósakhæf­ur eft­ir að hafa drepið hjón í Nes­kaupstað og bys­sumaður­inn í gær allt menn sem op­in­ber kerfi gátu ekki haldið utan um.

Í gangi er vinna þvert á ráðuneyti sem miðar að því að finna úrræði fyr­ir ein­stak­linga sem ekki eru hæf­ir til að vera í sam­fé­lag­inu. Til að byrja með verður það úrræði á Kleppi.