Hæstirétt­ur Banda­ríkj­anna hef­ur heim­ilað rík­is­stjórn Don­alds Trumps Banda­ríkja­for­seta að fram­fylgja banni sínu við að trans­fólk fái að starfa í hern­um.

Ákvörðunin er tíma­bund­in á meðan laga­leg­ar áskor­an­ir halda áfram. 

Fljót­lega eft­ir að Trump tók við völd­um í Hvíta hús­inu í upp­hafi árs und­ir­ritaði hann for­seta­til­skip­un sem kveður á um að trans fólki sé óheim­ilt að starfa í hern­um. Í úr­sk­urðinum seg­ir meðal ann­ars að vera þeirra í hern­um „stang­ist á við skuld­bind­ingu her­manna um heiðarleg­an, sann­an og agaðan lífstíl, jafn­vel í einka­lífi“ og að hún sé skaðleg hernaðarviðbúnaði.

Skömmu síðar gaf Pete Heg­seth, varn­ar­málaráðherra Banda­ríkj­anna, út stefnu þar sem hann gaf herþjón­ust­um 30 daga frest til að finna út úr því hvernig þeir ætluðu að bera kennsl á trans-her­menn til að vísa þeim úr hern­um. 

Hafa starfað í hern­um sam­tals í 115 ár

Sjö trans-her­menn hafa höfðað mál til að fá bann­inu hnekkt en þeir hafa sam­tals starfað í 115 ár í hern­um og hafa hlotið yfir 70 orður. 

Lögmaður her­mann­anna seg­ir að Trump-stjórn­in hafi ekki gefið nein­ar skýr­ing­ar á því hvers vegna ætti skyndi­lega að vísa trans-her­mönn­um, sem hafa sinnt her­skyldu sinni síðastliðin fjög­ur ár án vand­kvæða, úr hern­um. 

Úrsk­urður Hæsta­rétt­ar fer fyr­ir áfrýj­un­ar­dóm­stól­inn í San Frans­isco en talið er að það muni taka nokkra mánuði að fá niður­stöðu úr því. Á meðan mun úr­sk­urður Hæsta­rétt­ar standa.