Söng­kon­an Ri­hanna kom á óvart – ekki í fyrsta skipti – á Met Gala-viðburðinum í gær þegar hún skartaði ekki ein­ung­is töff klæðnaði frá hönnuðinum Marc Jac­obs held­ur einnig fal­legri kúlu. Hún á von á sínu þriðja barni með rapp­ar­an­um A$AP Rocky, en fyr­ir eiga þau syn­ina RZA, þriggja ára, og Riot, eins árs.

Þetta er ekki í fyrsta skipti sem Ri­hanna mæt­ir á stórviðburð með „óvænta“ óléttu­kúlu, en það var á Of­ur­skál­inni 2023 þegar hún kom fram í hálfleik klædd rauðum hipp­hopp-fatnaði en þröng­um topp svo kúl­an sást greini­lega. 

Ri­hanna í hálfleik Of­ur­skál­ar­inn­ar 2023 en hún hef­ur greini­lega gam­an af að koma aðdá­end­um sín­um á óvart. TIMOT­HY A. CLARY / AFP

Met Gala-viðburður­inn fer fram á Metropolit­an-lista­safn­inu og þangað mæta all­ar helstu stjörn­ur Hollywood í sínu fín­asta og oft framúr­stefnu­leg­asta pússi.

Viðburður­inn safn­ar pen­ing­um fyr­ir bún­inga­stofn­un lista­safns­ins og í ár var þemað „sér­sniðið fyr­ir þig“ í takt við sýn­ingu bún­inga­stofn­un­ar­inn­ar Superfine: Tail­or­ing Black Style, sem verður opnuð al­menn­ingi 10. maí. 

Page Six