Jón Pétur Zimsen, þingmaður Sjálfstæðisflokksins, sagði yfirvöld menntamála ekki hafa hugmynd um hvers vegna námsárangur grunnskólanema í grunngreinum sé í molum og versni stöðugt.
Jón Pétur Zimsen, þingmaður Sjálfstæðisflokksins, sagði yfirvöld menntamála ekki hafa hugmynd um hvers vegna námsárangur grunnskólanema í grunngreinum sé í molum og versni stöðugt.
Jón Pétur Zimsen, þingmaður Sjálfstæðisflokksins, sagði yfirvöld menntamála ekki hafa hugmynd um hvers vegna námsárangur grunnskólanema í grunngreinum sé í molum og versni stöðugt.
Þetta sagði Jón Pétur í ræðu sinni undir dagskrárlið um störf þingsins á Alþingi í dag.
Sagði hann ríkisstjórn Kristrúnar Frostadóttur hvorki hafa áhuga né metnað til að íslensk börn fái lögbundna menntun. Á þriggja ára fresti hafi það komið mörgu skólafólki í opna skjöldu að námsárangur sé eins og raun hafi borið vitni.
„Um leið hafa þau engar lausnir til að koma íslenskum grunnskólanemendum til hjálpar. Þetta er grafalvarlegt,“ sagði Jón Pétur.
Spurði hann sig hvort það væru ekki svik við börn að menntamálayfirvöld hafi í áratugi reynt að greina vandann en ekki fundið út hver hann sé?
„Yfirvöld hafa ekki hugmynd um það hvers vegna við erum á þessari braut. Við erum með fimm ára kennaranám, nýjustu tækni í langflestum grunnskólum. Við erum ríkt samfélag, ágætismenntunarstig þjóðarinnar og svikin raungerast í að 40% grunnskólanemenda útskrifast eftir tíu ára skyldunám ekki með grunnfærni í lesskilningi. Þetta er brot á grunnskólalögum.“
Sagði hann Ísland hafa allar forsendur til þess að vera á heimsmælikvarða í grunnskólastarfi og spurði hann sig hvers vegna við séum ekki þar.
„Vegna þess að yfirvöld vita ekki hvers vegna árangurinn er svona slakur. Þau vita það ekki. Hefur einhver úr valdablokk menntamála komið fram og sagt: Ég skal axla ábyrgð, þetta gerðist á minni vakt? Svarið við því er nei. Enginn,“ sagði Jón Pétur.