Ut­an­rík­is­ráðherr­ar Íslands, Írlands, Lúx­em­borg­ar, Nor­egs, Slóven­íu og Spán­ar kalla eft­ir því í sam­eig­in­legri yf­ir­lýs­ingu að ísra­elsk stjórn­völd hverfi frá áform­um um að víkka út hernaðaraðgerðir sín­ar á Gasa og hafa þar var­an­lega viðveru.

Þetta kem­ur fram í til­kynn­ingu á vef Stjórn­ar­ráðsins en þar seg­ir að ut­an­rík­is­ráðherr­ar Ut­an­rík­is­ráðherr­ar þess­ara ríkja hafni öll­um hug­mynd­um um brott­flutn­ing Palestínu­manna frá Gasa enda væru þær brot á alþjóðalög­um.

Þá kalla ráðherr­arn­ir eft­ir nýju vopna­hléi á Gasa og lausn allra gísla og fara fram á að Ísra­el­ar heim­ili þegar í stað að mat­ar- og neyðaraðstoð ber­ist aft­ur inn á Gasa í sam­starfi við og fyr­ir til­stilli Sam­einuðu þjóðanna og hjálp­ar­stofn­ana.

Yf­ir­lýs­ing ráðherr­anna í heild sinni