Banda­ríski tón­list­armaður­inn Smokey Robin­son sæt­ir ásök­un­um um kyn­ferðis­lega áreitni og óviðeig­andi fram­komu frá fjór­um fyrr­ver­andi starfs­mönn­um sín­um.

Kæra á hend­ur hinum 85 ára gamla söngv­ara var lögð fram í vik­unni.

Að sögn sak­sókn­ara í Los Ang­eles barst kær­an í gær, þriðju­dag­inn 6. maí, en Robin­son er sakaður um kyn­ferðis­legt of­beldi, lík­ams­árás, frels­is­svipt­ingu, kyn­bundið of­beldi og fyr­ir að hafa skapað óvin­veitt vinnu­um­hverfi.

Stefn­end­ur halda því fram að meint kyn­ferðis­leg áreitni Robin­son hafi verið vilj­andi, óvæg­in og ill­gjörn.

Í kær­unni er einnig minnst á eig­in­konu tón­list­ar­manns­ins, Frances Robin­son. Henni er gefið að sök að hafa ekki reynt að grípa til viðeig­andi aðgerða og þannig tekið þátt í refsi­verðri hátt­semi.

Stefn­end­urn­ir, fjór­ar kon­ur sem unnu á heim­ili söngv­ar­ans á ólík­um tím­um, fara fram á skaðabæt­ur að upp­hæð ekki lægri en 50 millj­ón­ir banda­ríkja­dala.