„Eitt er að ein­hverj­ir ógæfu­menn steli gögn­um og það er mjög auðvelt að sýna fram á það, en það er ekki höfuðmálið. Höfuðmálið er það að embætti sér­staks sak­sókn­ara hlustaði í óleyfi og án heim­ilda á fjölda fólks og geymdi þær upp­tök­ur á gagna­grunni sín­um ólög­lega.“

Þetta seg­ir Þor­vald­ur Lúðvík Sig­ur­jóns­son, viðskipta­fræðing­ur og einn þeirra sem embætti sér­staks sak­sókn­ara hleraði í tengsl­um við rann­sókn á svo­kölluðum hrun­mál­um á sín­um tíma, í sam­tali við mbl.is.

Upp­tök­ur af sím­töl­um úr síma Þor­vald­ar eru meðal gagna í um­fangs­mikl­um gagnaleka sem var til um­fjöll­un­ar í Kast­ljósi í gær­kvöldi. Um er að ræða per­sónu­leg sím­töl að því er fram kom í þætt­in­um sem ekki höfðu neitt gildi fyr­ir rann­sókn­ina og hefði í raun átt að vera eytt. Hann íhug­ar rétt­ar­stöðu sína vegna máls­ins og vill sjá fólk sæta ábyrgð.

Frétt af mbl.is

Litl­ar höml­ur voru á meðferð upp­taka úr hler­un­um

Sam­flokksmaður ráðherra „yf­ir­hlust­ari“

„Embættið er með laga­leg­ar skyld­ur til þess í fyrsta lagi ekki hlusta nema það sé heim­ild og í öðru lagi að eyða öllu sem ekki hef­ur þýðingu fyr­ir rann­sókn mála,“ seg­ir Þor­vald­ur.

„Þú þarf að fá dóms­úrsk­urð fyr­ir hverri ein­ustu hlust­un, það var ekki gert,“ bæt­ir hann við. En hann kærði embætti sér­staks sak­sókn­ara á sín­um tíma fyr­ir ólög­lega hlust­un og fékk embættið á sig dóm vegna þess. 

Hann seg­ir málið ekki snú­ast um lög­reglu­menn­ina tvo, fyrr­ver­andi starfs­menn embætt­is­ins, Jón Óttar Ólafs­son og Guðmund Hauk Gunn­ars­son, sem tóku gögn­in ófrjálsri hendi.

„Auðvitað vek­ur það upp spurn­ing­ar um um­gengni og varðveislu gagna hjá op­in­ber­um aðila, en aðal­atriðið er inn­grip í líf borg­ar­ana og brot á friðhelgi einka­lífs­ins og geymsl­an á þeim gögn­um.“

Þor­vald­ur seg­ir Þor­björgu Sig­ríði Gunn­laugs­dótt­ur dóms­málaráðherra vera í mik­illi vörn vegna máls­ins, enda hafi sam­flokksmaður henn­ar, Grím­ur Gríms­son, einn af rann­sak­end­um hjá sér­stök­um sak­sókn­ara á þess­um tíma, verið „yf­ir­hlust­ari“ eins og hann orðar það. 

Frétt af mbl.is

Seg­ir viðkvæm­um gögn­um hafa verið stolið

Hafi skemmt sér við að hlusta í partý­um

Í færslu á Face­book sem Þor­vald­ur ritaði í kjöl­far Kast­ljósþátt­ar­ins í gær, sagðist hann íhuga rétt­ar­stöðu sína í mál­inu.

„Það eru fjöl­marg­ar ástæður til lög­sókn­ar og ég fer yfir þetta með lög­lærðu fólki.“

Þor­vald­ur veit að á upp­tök­un­um koma fram viðkvæm­ar per­sónu­leg­ar upp­lýs­ing­ar um hans hagi. Gögn sem ekk­ert hafi haft með rann­sókn­ina að gera.

„Ef þú ert að hlusta og þú verður þess áskynja að sá sem hlustað er á er að tala við lög­mann sinn eða að sam­tal er við fjöl­skyldumeðlimi eða aðra sem hafa enga þýðingu fyr­ir mála­rekst­ur­inn, þá ber þér að hætta,“ seg­ir Þor­vald­ur og held­ur áfram:

„Hérna bara halda menn áfram og svo skilst mér að menn hafi bara verið skemmta sér við að hlusta á þess­ar upp­tök­ur í partýi hjá sér­stök­um.“

Frétt af mbl.is

Björgólf­ur sagður hafa fjár­magnað njósn­ir á hlut­höf­um

Dóms­málaráðherra að taka á mál­inu

„Þannig ég hef enga ástæðu til að treysta neinu eða bera virðingu fyr­ir þessu og vil sjá að menn sæti ábyrgð,“ seg­ir Þor­vald­ur.

Og hver ber ábyrgð?

„Sér­stak­ur sak­sókn­ari, hann er í for­svari, síðan þeir sem skipu­lögðu þessa hlust­un og þá aug­ljós­lega Grím­ur Gríms­son. Nú er það dóms­málaráðherra að taka á þessu máli þegar upp hef­ur kom­ist um stór­kost­lega mis­notk­un í trúnaðar­störf­um.“