„Allt það sem við höf­um verið að gera hef­ur verið í góðri trú. Það hef­ur aldrei verið ein­hver ein­beitt­ur brota­vilji að ganga á svig við ís­lenska lög­gjöf enda, þegar eitt­hvað slíkt hef­ur komið upp á borð, höf­um við ein­fald­lega leiðrétt það,“ seg­ir Inga Sæ­land, fé­lags- og hús­næðismálaráðherra og formaður Flokks fólks­ins.

Þetta kom fram í óund­ir­bún­um fyr­ir­spurn­ar­tíma á Alþingi í dag þar sem Jens Garðar Helga­son, þingmaður Sjálf­stæðis­flokks­ins, gerði fram­lög úr rík­is­sjóði til stjórn­mála­flokka að um­tals­efni.

Menn geta gengið of langt

„Rík­is­stjórn­in hef­ur verið ein­stak­lega iðin við að klappa sjálfri sér á bakið og minn­ir lands­menn ít­rekað á hvað hún er sam­rýmd og ráðherr­arn­ir mikl­ir vin­ir all­ir sam­an. Það er allt sam­an gott og blessað. En menn geta hins veg­ar gengið aðeins of langt í ná­ungakær­leik­an­um, eins og hæst­virt­ur fjár­mála- og efna­hags­ráðherra gerði þegar hann ákvað, þvert á öll for­dæmi og dóma­fram­kvæmd, að gefa eft­ir 250 millj­ón­ir kr. til Flokks fólks­ins með því að neita að óska eft­ir end­ur­greiðslu op­in­berra styrkja til flokks­ins sem ágrein­ings­laust er að flokk­ur­inn átti ekki rétt á,“ sagði Jens.

Hann bætti við að áður en ákvörðunin var tek­in hefði Inga farið mik­inn í op­in­berri umræðu og lýst því m.a. yfir að flokk­ur henn­ar hefði fyrst orðið þess áskynja í fe­brú­ar 2024 að hann upp­fyllti ekki skil­yrði laga fyr­ir styrkj­um, eða eft­ir að flokk­ur­inn fékk sein­ast greidd­an styrk í trássi við lög.

Frétt af mbl.is

Ákvörðun í styrkja­máli ekki end­ur­skoðuð

„Síðan hef­ur hins veg­ar komið í ljós að Rík­is­end­ur­skoðun upp­lýsti Flokk fólks­ins með tölvu­pósti þann 14. nóv­em­ber 2023 að hann upp­fyllti ekki skil­yrði laga um starf­semi stjórn­mála­sam­taka og til greiðslu styrkja, eða tveim­ur og hálf­um mánuði áður en flokk­ur­inn fékk greidd fram­lög fyr­ir árið 2024. Engu að síður sótti Flokk­ur fólks­ins um styrk sam­kvæmt lög­um árið 2024 þrátt fyr­ir að vita það með vissu að flokk­ur­inn upp­fyllti ekki skil­yrði lag­anna. Því vil ég spyrja hæstv. fé­lags- og hús­næðismálaráðherra: Hvers vegna sendi flokk­ur henn­ar inn um­sókn um fram­lög frá rík­inu árið 2024 vit­andi að hann upp­fyllti ekki skil­yrði lag­anna,“ spurði Jens.

Málið komið á eðli­leg­an rek­spöl

Inga sagði að hún yrði að viður­kenna að hún áttaði sig eng­an veg­inn á því í hvaða tölvu­póst Jens væri að vísa.

„Staðan er ein­fald­lega þessi: Flokk­ur fólks­ins hef­ur fengið sín­ar greiðslur eins og aðrir, eins og Sjálf­stæðis­flokk­ur­inn sem var ekki held­ur að upp­fylla þau laga­legu skil­yrði sem lágu að baki því að heita stjórn­mála­flokk­ur en ekki fé­laga­sam­tök. Og til gam­ans má líka geta þess að í banka­kerf­inu okk­ar núna, þar sem við eig­um að fylla út svo­kallaða áreiðan­leika­könn­un, er hvergi að finna mögu­leika fyr­ir neitt sem heit­ir stjórn­mála­flokk­ur að upp­fylla þau skil­yrði að fylla út þá áreiðan­leika­könn­un, held­ur er fé­laga­sam­tök­um ein­göngu boðið að gera slíkt,“ sagði Inga.

„Ætli þetta megi ekki flokk­ast und­ir það að menn átti sig kannski ekki al­veg á al­var­leika máls­ins vegna að þessi lög­gjöf hafði verið í gildi og flokk­ar höfðu fengið – ekki bara Flokk­ur fólks­ins held­ur og fleiri stjórn­mála­flokk­ar. En hátt­virt­ur þingmaður get­ur verið af­skap­lega ánægður með að þess­um mál­um hef­ur verið komið á eðli­leg­an rek­spöl. Það eru all­ir glaðir í Flokki fólks­ins eins og í hinum flokk­un­um sem ekki höfðu forms­ins vegna fylgt þess­um breyt­ing­um. Ég veit því ekki al­veg á hvaða veg­ferð hátt­virt­ur þingmaður er núna í maí, þetta er að baki,“ sagði Inga enn frem­ur.

Frétt af mbl.is

Inga Sæ­land: Styrkja­málið „úr sög­unni“

Skipta lög og regl­ur engu máli?

Jens sagði að í svari ráðherra væri að finna smjörklípu varðandi Sjálf­stæðis­flokk­inn, sem ætti enga inn­stæðu, því að það hefði verið al­ger­lega vitað árið 2022 að Sjálf­stæðis­flokk­ur­inn upp­fyllti strax skil­yrði til þess að fá styrki.

„Ég vil einnig spyrja hæst­virta ráðherra hvort lög og regl­ur lands­ins skipti hann engu máli. Nú gerðist ráðherra ný­verið sek um að skipa stjórn Hús­næðis- og mann­virkja­stofn­un­ar í trássi við jafn­rétt­is­lög en lét á sama tíma hjá líða að skipa stjórn Trygg­inga­stofn­un­ar rík­is­ins, eins og henni var skylt sam­kvæmt lög­um. Þrátt fyr­ir að hafa fengið ít­rekaðar ábend­ing­ar um ólög­mæti þeirra at­hafna stóð hæst­virt­ur ráðherra fast á sínu og sagðist stolt af verk­um sín­um, með dygg­um stuðningi hæst­virts for­sæt­is­ráðherra hér í ræðustól. Eru þetta þau vinnu­brögð sem ráðherra boðar, að brjóta lög, þver­taka svo fyr­ir það og sjá ekki að sér fyrr en mál­in eru orðin fjöl­miðlamat­ur,“ spurði Jens.

Allt gert í góðri trú

„Allt það sem við höf­um verið að gera hef­ur verið í góðri trú. Það hef­ur aldrei verið ein­hver ein­beitt­ur brota­vilji að ganga á svig við ís­lenska lög­gjöf enda, þegar eitt­hvað slíkt hef­ur komið upp á borð, höf­um við ein­fald­lega leiðrétt það,“ sagði Inga.

Hún sagði að hún vildi nefna sér­stak­lega Trygg­inga­stofn­un og þá stjórn. Hún sagði að það hefði frá fyrri rík­is­stjórn nán­ast verið meg­in­regla að eft­ir kjör þá hefði ráðherra dregið það í mis­marga mánuði að skipa í stjórn­ir og eft­ir kosn­ing­ar bæði 2017 af 2021 þá hefði það tekið á bil­inu 4–7 mánuði að skipa í þessa stjórn.

„Það var í raun­inni ráð frá mínu ráðuneyti að það væri kannski ekki tíma­bært að vera að fram­lengja lífdaga Trygg­inga­stofn­un­ar­stjórn­ar­inn­ar þegar frum­varp ligg­ur hér fyr­ir á Alþingi um að fella hana laga­lega á brott. En nú hef­ur verið tekið mark á því, eins og við ger­um alltaf með bros á vör. Ef ein­hverj­ir vita bet­ur þá lær­um við af því og vinn­um verk okk­ar, að vanda bjart­sýn og bros­andi eins og ég heyri að hátt­virt­ur þingmaður er,“ sagði Inga.