Jarðskjálfi að stærðinni 3,7 mæld­ist við Grjótár­vatn í Borg­ar­f­irði klukk­an 6.17 í morg­un.

Í til­kynn­ingu frá nátt­úr­vakt Veður­stofu Íslands seg­ir að þetta sé með stærstu skjálft­um sem mælst hafa á þessu svæði síðan virkni hófst á svæðinu árið 2021, en þann 15. apríl sl. varð skjálfti 3,7 að stærð á þessu svæði.

Fram kem­ur að skjálft­ar á þessu svæði séu nokkuð djúp­ir, yf­ir­leitt á um 15 til 20 km dýpi og að eng­in önn­ur skjálfta­virkni hafi fylgt í kjöl­far þessa skjálfta.

Skjálfta­virkni í Ljósu­fjalla­kerf­inu hef­ur auk­ist frá ár­inu 2021 og á síðasta ári ákváðu sér­fræðing­ar Veður­stofu Íslands að auka vökt­un á svæðinu. Síðasta haust var mæli komið fyr­ir í Hít­ar­dal, nærri upp­tök­um skjálft­anna.

Virkn­in er að mestu á svæði í kring­um þrjú vötn, Grjótár­vatn, Há­leiks­vatn og Langa­vatn.