„Það er búin að vera mjög góð aðsókn, búið að spila ein­hverja nokk­ur þúsund hringi hjá okk­ur á þess­um tæp­lega eina mánuði sem er búið að vera opið,“ seg­ir Helgi Dan Steins­son, fram­kvæmda­stjóri Golf­klúbbs Grinda­vík­ur, en aðsókn á golf­völl bæj­ar­ins er orðin svipuð og hún var árið 2023.

Golf­völl­ur­inn var opnaður aft­ur eft­ir vet­ur­inn 12. apríl en Helgi seg­ir að allt hafi gengið ljóm­andi vel.

„Það er búið að vera mikið rennirí og mik­il aukn­ing í klúbbn­um, sér­stak­lega í fólki af Reykjar­vík­ur­svæðinu. Þannig að við get­um ekki kvartað.“

Fólk var hrætt við að mæta

Spurður hvernig aðsókn­in sé sam­an­borið við fyr­ir hörm­ung­arn­ar sem hóf­ust í Grinda­vík 10. nóv­em­ber 2023 seg­ir Helgi:

„Við erum nán­ast á pari í meðlima­fjölda og erum að skríða í þess­ar töl­ur sem við vor­um í 2023 yfir gesti sem eru að koma til okk­ar. Fólk er orðið til­búið að koma.“

Hann seg­ir að það sé breyt­ing frá sumr­inu í fyrra en þá hafi fólk verið smeykt við að koma og lít­il um­ferð verið um völl­inn.

„Við náðum að opna völl­inn 12. júní í fyrra eft­ir að hann fékk þessa skoðun sem þurfti til að opna en það dugði samt ekki til þess að fá fólk á staðinn, að allt hafði verið skoðað til hlít­ar.“

Helgi Dan Steins­son, fram­kvæmda­stjóri Golf­klúbbs Grinda­vík­ur.

Nei­kvætt um­tal hafði áhrif

Spurður hvað gæti valdið því að fólk sé til­búið að koma núna nefn­ir Helgi að mikið nei­kvætt um­tal um ástandið í Grinda­vík fyr­ir ári hafi lík­lega haft áhrif.

„Það virðist vera ein­hver smá hug­ar­fars­breyt­ing hjá fólki og menn til­bún­ir að taka slag­inn og koma,“ seg­ir Helgi og bæt­ir við að gest­ir sem hafi loks­ins komið eft­ir að hafa ekki þorað það í ein­hvern tíma segi all­ir það sama:

„Þegar þeir sjá að það er allt í góðu lagi skilja þeir ekk­ert í því af hverju þeir hafi ekki bara komið til okk­ar fyr­ir löngu.“

Golfar­arn­ir eru þá ekk­ert ótta­slegn­ir?

„Nei nei, af og frá! Enda er ekk­ert að ótt­ast hérna. Við vær­um ekk­ert með opið ef það væri hættu­legt.“

„Það verður mik­il hátíð“

Aðspurður seg­ir Helgi viðbúið að meira líf fær­ist í bæ­inn í sum­ar þegar Grind­vík­ing­ar kom­ast í sum­ar­frí og geta þá farið að heim­sækja bæ­inn í meira mæli. Þangað til er samt nóg að gera.

„Núna erum við á fullu að und­ir­búa fót­bolta­leik sem verður á laug­ar­dag­inn. Golf­klúbbur­inn sér um alla um­hirðu á knatt­spyrnu­völl­um í Grinda­vík þannig að núna erum við að und­ir­búa það.“

Um er að ræða fyrsta heima­leik­inn í Grinda­vík í 18 mánuði og til­hlökk­un­in sam­kvæmt því.

„Við hlökk­um mikið til, það er mik­il stemn­ing hjá Grind­vík­ing­um fyr­ir því að mæta á völl­inn og það verður mik­il hátíð hérna á laug­ar­dag­inn.“