Þegar brúðgum­inn vel­ur sér föt fyr­ir stóra dag­inn eru nokk­ur atriði sem verður að hafa í huga. Sérsaum­ur er al­geng­asta og besta leiðin til að fá sem mest út úr út­lit­inu, enda eru föt­in sniðin að hverj­um og ein­um. Það tek­ur yf­ir­leitt nokkr­ar vik­ur að fá af­hent úr sérsaumi en ferlið hefst með mát­un og ráðgjöf við val á sniðum og efni.

Í þeim versl­un­um sem bjóða upp á sérsaum eru sér­fræðing­ar í þess­um mál­um sem hjálpa þér og þú átt­ar þig á því hvað þetta skipt­ir miklu máli. Í sér­sniðnum föt­um er einnig passað upp á að axlasaum­ur sé á rétt­um stað og erma­lengd og buxn­asídd full­kom­in.

Við val á efni, lit og sniði færðu einnig ráðgjöf við þá auka­hluti sem þarf eins og skyrtu, bindi, erma­hnappa, sokka og skó.

Það er mik­il­vægt að brúðhjón­in séu í takt hvort við annað og í takt við þema brúðkaups­ins. Þetta þarf að ákveða með fyr­ir­vara og sér­stak­lega ef um sveita- eða óhefðbundið brúðkaup er að ræða.

Hefðbund­inn smók­ing er alltaf stór­glæsi­legt og klass­ískt val, með hvítri skyrtu, erma­hnöpp­um og lakk­skóm. Það eru lang­al­geng­ustu brúðkaups­föt­in og ekki að undra. Þessi föt eru yf­ir­leitt svört en stund­um dökk­blá. Slauf­an er svört við smók­ing með ör­lít­illi glans­andi satí­ná­ferð. Ef brúðkaupið er af­slappað er einnig mikið úr­val af fal­leg­um ljós­um jakka­föt­um sem henta vel fyr­ir sum­ar­brúðkaup til dæm­is.

Veldu svarta skó. Tími brúnu skónna við fínu til­efn­in er liðinn og heild­ar­út­litið verður flott­ara með réttu skón­um. Þó að jakka­föt­in séu blá eða ljós ættu skórn­ir samt að vera svart­ir og skyrt­an hvít.

Mundu einnig eft­ir að skilja Garmin-úrið eft­ir heima, það er eng­in þörf á því um úlnliðinn á þess­ari stundu.

Síðast en ekki síst er mik­il­vægt að muna að fjar­lægja alla þá sauma sem fylgja nýj­um jakka­föt­um. Þetta ættu all­ir að vita en gleym­ist allt of oft. Ef lít­ill tísku­áhugi og -þekk­ing er fyr­ir hendi er besta ákvörðunin ávallt sú að fá hjálp hjá fag­fólki í þess­um efn­um.