Dagmál | 12. maí 2025
Finnast áfengisdauð á víðavangi undir morgun
Rúna Ágústsdóttir, áfengis- og vímuefnaráðgjafi í Foreldrahúsi, hefur þungar áhyggjur af umfangi og þróun áfengisneyslu á meðal barna og ungmenna hér á landi. Segir hún vafasamt hversu algengt vandamál ölvunar- og áhættudrykkja er innan þess hóps sem leitað hefur til Foreldrahúss síðustu misseri.
Finnast áfengisdauð á víðavangi undir morgun
Dagmál | 12. maí 2025
Setja bókamerki
Rúna Ágústsdóttir, áfengis- og vímuefnaráðgjafi í Foreldrahúsi, hefur þungar áhyggjur af umfangi og þróun áfengisneyslu á meðal barna og ungmenna hér á landi. Segir hún vafasamt hversu algengt vandamál ölvunar- og áhættudrykkja er innan þess hóps sem leitað hefur til Foreldrahúss síðustu misseri.
Rúna Ágústsdóttir, áfengis- og vímuefnaráðgjafi í Foreldrahúsi, hefur þungar áhyggjur af umfangi og þróun áfengisneyslu á meðal barna og ungmenna hér á landi. Segir hún vafasamt hversu algengt vandamál ölvunar- og áhættudrykkja er innan þess hóps sem leitað hefur til Foreldrahúss síðustu misseri.
„Þau drekka bara sterkt áfengi. Drekka bara landa eða vodka.“
Ekki bjór?
„Nei, nei, nei, ekki bjór. Það er bara þetta sterka áfengi. Og af hverju gera þau það? Jú þau eru sammála því sem þeim hefur verið kennt að þá fá þau mest fyrir peningana. Þannig að þau fá mesta áfengismagnið fyrir peningana,“ segir Rúna og bendir á hættuna sem getur skapast við kringumstæður sem þessar.
„Þau verða fljótt full því þau blanda yfirleitt aldrei neinu út í áfengið heldur drekka það bara „dry“ og vilja bara gleyma sér. Verða mjög drukkin og þarna skapast stórhættulegt ástand.“
Áfengisdauð á götum úti
Verulega óábyrg neysluhegðun ungmenna er eitthvað sem ratar inn á borð hjá Foreldrahúsi á hverjum degi. Rúna segir mýmörg dæmi um að áfengisneysla grunnskólabarna hafi farið úr böndunum og leitt til áfengisdauða á götum úti, áfengiseitrana og innlagna á sjúkrahús.
„Það eru mjög ungir unglingar sem eru að gera þetta sem að svo finnast kannski nokkrum húsum frá heimili sínu klukkan sex að morgni því þeir hafa dáið einhvers staðar,“ segir Rúna sem sérhæfir sig í meðferðar- og úrræðavinnu með ungmennum sem eiga við áfengis-, vímuefna- og tilfinningavanda að etja og foreldrum þeirra.
„Auðvitað er þetta á allan hátt hættulegt. Foreldrar hafa komið til okkar eftir að börnin þeirra hafa verið lögð inn á spítala, verið með áfengiseitranir og alls konar,“ lýsir Rúna ástandinu.
„Og sko, ég er að tala um börn í grunnskóla. Þau geta alveg verið komin þangað.“
Smelltu á hlekkinn hér að neðan til að nálgast viðtalið við Rúnu í heild sinni.
