Úkraína | 14. maí 2025
Enn óvíst hvort Pútín mæti til friðarviðræðna
Enn er óvíst hvort Vladimír Pútín Rússlandsforseti komi til með að mæta til friðarviðræðna við Volodimír Selenskí Úkraínuforseta í Istanbúl í Tyrklandi á morgun, fimmtudag, eins og vonir hafa staðið til. The Guardian segir frá.
Enn óvíst hvort Pútín mæti til friðarviðræðna
Úkraína | 14. maí 2025
Setja bókamerki
Enn er óvíst hvort Vladimír Pútín Rússlandsforseti komi til með að mæta til friðarviðræðna við Volodimír Selenskí Úkraínuforseta í Istanbúl í Tyrklandi á morgun, fimmtudag, eins og vonir hafa staðið til. The Guardian segir frá.
Enn er óvíst hvort Vladimír Pútín Rússlandsforseti komi til með að mæta til friðarviðræðna við Volodimír Selenskí Úkraínuforseta í Istanbúl í Tyrklandi á morgun, fimmtudag, eins og vonir hafa staðið til. The Guardian segir frá.
Selenskí hefur hins vegar staðfest að hann muni mæta og bíða eftir Pútín í eigin persónu.
Stjórnvöld í Kreml hafa neitað að gefa upp hvort Pútín fari til Tyrklands á morgun eða veita upplýsingar um hver muni fara fyrir rússnesku sendinefndinni í mögulegum friðarviðræðum.
Dmitrí Peskov, talsmaður Pútíns, sagði við blaðamenn í Moskvu í dag að ekki yrði tilkynnt hverjir skipi sendinefndina fyrr en forsetinn hafi gefið viðeigandi fyrirmæli.
Trump íhugar að vera viðstaddur
Það var Pútín sjálfur sem lagði það til í ræðu á sunnudag að beinar samningaviðræður yrðu haldnar á milli Rússlands og Úkraínu í Istanbúl á næstu dögum.
Selenskí þáði fundarboðið nokkuð fljótt en sagðist engu að síður vera að bíða eftir varanlegu vopnahléi sem hefði átt að hefjast á mánudag.
Donald Trump Bandaríkjaforseti hefur sagt að hann íhugi að fljúga til Tyrklands til að vera viðstaddur fund Pútín og Selenskí ef hann telji líkur á að eitthvað gerist, eins og hann orðaði það.
Selenskí vill endilega að Trump verði viðstaddur, en Pútín hefur ekkert gefið út um hvernig það horfir við honum.
