Sig­ríður Á. And­er­sen, þingmaður Miðflokks­ins og fyrr­ver­andi dóms­málaráðherra, seg­ir það óskilj­an­legt að Inga Sæ­land, fé­lags- og hús­næðismálaráðherra, vísi til af­sagn­ar sinn­ar úr ráðherra­stól vegna máls sem sé með öllu óskylt því sem sé til umræðu. Sig­ríður seg­ir veru­legt mis­ræmi í mál­flutn­ingi Ingu sem hafi sjálf verið gagn­rýnd fyr­ir laga­brot við skip­an í op­in­ber­ar stjórn­ir. 

Fyrr í dag átt­ust þær Sig­ríður og Inga við í ræðustól Alþing­is und­ir liðnum óund­ir­bún­ar fyr­ir­spurn­ir. Beind­ist fyr­ir­spurn Sig­ríðar að skip­un Ingu á nýrri stjórn Hús­næðis- og mann­virkja­stofn­un­ar, en Inga þurfti að skipa stjórn­ina á ný eft­ir að í ljós kom að skip­un­in braut gegn jafn­ræðis­lög­um.

Í sam­tali við mbl.is seg­ist Sig­ríður ekki hafa áttað sig á svari Ingu þar sem Inga beindi at­hygli sinni að Lands­rétt­ar­mál­inu svo­kallaða, en benti í staðinn á ósam­ræmi milli orða Ingu á síðasta kjör­tíma­bili og gjörða á þessu kjör­tíma­bili.

Frétt af mbl.is

Inga ósátt við Sig­ríði

Vísaði Sig­ríður í van­traust­stil­lögu Ingu á hend­ur Svandísi Svavars­dótt­ur, fyrr­ver­andi mat­vælaráðherra, um að veita ekki heim­ild til hval­veiða. Þetta taldi Inga á þeim tíma vera lög­brot og lagði fram van­traust­stil­lögu sem var svo dreg­in til baka vegna veik­inda ráðherra. Þegar Svandís kom úr veik­inda­leyfi dró Inga til­lög­una aft­ur upp.

„Ég bara nefndi þetta og spurði ráðherra hvað henni fynd­ist í ljósi þeirra yf­ir­lýs­inga henn­ar um að ráðherra sé ekki haf­in yfir lög og það þyrfti alltaf að hafa af­leiðing­ar ef ráðherra brjóti gegn lög­um,“ seg­ir Sig­ríður og á þar við jafn­rétt­islaga­málið.

Brást við með því að vísa í óskylt mál

Það hafi komið Sig­ríði veru­lega á óvart hvernig Inga kaus að bregðast við. „Það ligg­ur fyr­ir að hún hafi brotið lög­in og þá brást hún við með því að vísa í gam­alt mál mitt sem er alls óskylt og eðlis ólíkt.“

Sig­ríður seg­ist ekki hafa tekið nein­ar ólög­leg­ar ákv­arðanir líkt og Inga. Seg­ir hún þetta vera stíl ráðherra. „Það er bara gargað og gólað og hún neit­ar að taka ábyrgð á fyrri póli­tísk­um verk­efn­um, skoðunum og yf­ir­lýs­ing­um sín­um,“ seg­ir Sig­ríður.

Ráðherra rökþrota

„Þetta ber þess merki að ráðherr­ann var orðinn ágæt­lega rökþrota þarna, hún gat nátt­úru­lega ekki svarað þessu. Úr því að Inga vísaði í af­sögn mína, þá hlýt­ur að standa eft­ir spurn­ing­in sem Þor­steinn Sæ­munds­son [varaþingmaður Miðflokks­ins] vék að. Er hún að vísa í þetta dæmi vegna þess að hún tel­ur koma til greina að hún segi af sér vegna ít­rekaðra laga­brota við ákv­arðana­töku?“

Sig­ríður seg­ist ekki skilja ástæðuna sem ligg­ur að baki þess að Inga hóf að vísa í henn­ar mál. Sig­ríður seg­ir að ein skýr­ing­in gæti verið að Inga sé að minna á þann mögu­leika að hún kunni kannski að segja af sér.