Breska þríeykið Rem­em­ber Monday, sem sam­an­stend­ur af þeim Lauren Byr­ne, Char­lotte Steele og Holly-Anne Hull, stíg­ur á svið í kvöld með lagið What The Hell Just Happ­ened?.

Um er að ræða síðara undanúr­slita­kvöld Eurovisi­on en mbl.is verður með beina lýs­ingu hér á vefn­um úr höll­inni.

Bret­land er ein af þeim þjóðum ásamt Frakklandi, Þýskalandi, Ítal­íu og Spáni sem eru kallaðar hinar „Fimm stóru“. Þau lönd eru ör­ugg í úr­slit vegna fjár­fram­laga.
Þótt stelp­urn­ar flytji lag sitt í kvöld þurfa þær því ekki að keppa um sæti held­ur mæta VÆB-bræðrun­um beint í úr­slit­un­um á laug­ar­dag. 

„Yfirþyrm­andi, en okk­ur líður vel“

„Við erum í góðum gír. Við erum mjög, mjög ham­ingju­sam­ar. Þetta er yfirþyrm­andi, en okk­ur líður vel, er það ekki, stelp­ur?
Við svindl­um smá og för­um beint í úr­slit­in. Það finnst okk­ur reynd­ar svo­lítið ósann­gjarnt.“

Fjög­urra tíma skvísu-morg­un

Þær segj­ast ekki hafa til­einkað sér neina sér­staka „Eurovisi­on-morg­un­rútínu“ - nema feg­urðarstússið:

„Morg­un­rútín­an í dag var bara fjög­urra tíma „glam“. Við fór­um í hár og förðun, feng­um okk­ur smá að borða og hoppuðum svo í bún­ing­ana. Það var all­ur morg­unn­inn.“

Aðspurðar hver upp­á­halds­drykk­ur­inn þeirra sé svara þær hlæj­andi:

„Ó, tekíla­skot? Já, tekíla­skot - ein­mitt það.“

Urðu vin­sæl­ar eft­ir The Voice 

Rem­em­ber Monday hef­ur starfað í fjór­tán ár en hljóm­sveit­in varð landsþekkt eft­ir þátt­töku í The Voice UK. Lagið What The Hell Just Happ­ened? er fjör­ugt popp­lag sem fjall­ar um óvænt­ar uppá­kom­ur á djamm­inu. 

Í kvöld flytja þær lagið í beinni út­send­ingu frá Basel ásamt 15 öðrum lönd­um sem keppa um tíu úr­slita­sæti. Á laug­ar­dag mæt­ast Bret­land, Ísland og 24 önn­ur lönd í úr­slit­un­um þar sem 200 millj­ón­ir áhorf­enda fylgj­ast með í beinni út­send­ingu.

mbl.is fylg­ist að sjálf­sögðu með Basel-æv­in­týr­inu þar til yfir lýk­ur og verður með beina lýs­ingu í kvöld frá síðara undanúr­slita­kvöld­inu.

AFP