Ísrael/Palestína | 16. maí 2025
„Við getum ekki setið lengur þögul hjá“
„Frumkvæði þessa hóps og sá stuðningur við Palestínu sem fram kemur í yfirlýsingunni skiptir mjög miklu máli,“ er haft eftir Kristrúnu Frostadóttur forsætisráðherra í fréttatilkynningu sem Stjórnarráðið sendir frá sér og greinir frá undirritun sameiginlegrar yfirlýsingar sjö þjóðarleiðtoga vegna hörmunganna á Gasasvæðinu.
„Við getum ekki setið lengur þögul hjá“
Ísrael/Palestína | 16. maí 2025
Setja bókamerki
„Frumkvæði þessa hóps og sá stuðningur við Palestínu sem fram kemur í yfirlýsingunni skiptir mjög miklu máli,“ er haft eftir Kristrúnu Frostadóttur forsætisráðherra í fréttatilkynningu sem Stjórnarráðið sendir frá sér og greinir frá undirritun sameiginlegrar yfirlýsingar sjö þjóðarleiðtoga vegna hörmunganna á Gasasvæðinu.
„Frumkvæði þessa hóps og sá stuðningur við Palestínu sem fram kemur í yfirlýsingunni skiptir mjög miklu máli,“ er haft eftir Kristrúnu Frostadóttur forsætisráðherra í fréttatilkynningu sem Stjórnarráðið sendir frá sér og greinir frá undirritun sameiginlegrar yfirlýsingar sjö þjóðarleiðtoga vegna hörmunganna á Gasasvæðinu.
Eru það, auk Kristrúnar, forsætisráðherrar Noregs, Írlands, Spánar, Slóveníu, Lúxemborgar og Möltu sem rita undir yfirlýsinguna þar sem bent er á að tala látinna á Gasa sé nú komin yfir 50.000 manns í væringum Ísraela og palestínsku Hamas-hryðjuverkasamtakanna auk þess sem búast megi við að þúsundir til viðbótar verði hungurmorða á komandi dögum verði ekkert að gert.
Hvetja leiðtogarnir sjö stjórnvöld í Ísrael til að breyta stefnu sinni án tafar, stöðva hernaðaraðgerðir sína á Gasa og tryggja óheft aðgengi hjálpargagna mannúðarsamtaka inn á svæðið stríðshrjáða.
„Staðan á Gasa er hryllileg“
Það var Ísland sem átti frumkvæðið að yfirlýsingunni og veitti framkvæmdinni forystu auk Spánar og var leiðtogahópurinn kallaður saman fyrir atbeina ríkjanna tveggja. Fylgir yfirlýsingin nú í kjölfar sameiginlegrar yfirlýsingar utanríkisráðherra sex ríkja sem Þorgerður Katrín Gunnarsdóttir utanríkisráðherra Íslands undirritaði og gefin var út 7. maí, en þar höfnuðu ráðherrarnir öllum hugmyndum um brottflutning Palestínumanna frá Gasa sem enda væri brot á alþjóðalögum,
Kristrún Frostadóttir er um þessar mundir stödd í Tirana í Albaníu þar sem hún fundaði með hinum leiðtogunum sex sem ræddu þá ógnvænlegu stöðu er uppi væri á Gasa.
„Staðan á Gasa er hryllileg, hún versnar með hverjum deginum sem líður, og við getum ekki setið lengur þögul hjá. Þetta er í fyrsta sinn sem yfirlýsing er gefin út á leiðtogastigi og það bendir til þess að afstaðan sé að breytast. Ég bind vonir við að þessi yfirlýsing, ásamt öðrum ferlum sem eru í gangi á alþjóðavettvangi, leiði til stærri skrefa í málum Palestínu,“ er haft eftir forsætisráðherra í tilkynningu Stjórnarráðsins.
