„Ég er ótrú­lega ham­ingju­sam­ur. Mér finnst mér sýnd­ur mik­ill heiður því ég er aðeins nítj­án ára. Að vera nítj­án og kom­ast í úr­slit … já, það er svaka­lega smart“, seg­ir Kyle Al­ess­andro Helgesen Villa­lo­bos þegar mbl.is ræðir við hann í Basel. Kyle tryggði sig í úr­slit Eurovisi­on sama kvöld og VÆB-bræður.

Viðbrögð Kyle við Íslandi slógu í gegn

Mynd­bandið af Kyle fagna því þegar VÆB-bræðurn­ir komust í úr­slit hef­ur farið eins og eld­ur í sinu.

„Ég varð yfir mig glaður.“ 
VÆB-bræður kalli hann „best friend“ - og Kyle herm­ir eft­ir ís­lenska hreimn­um: „Best frend.“

Þá seg­ir Kyle VÆB-bræðurna líka hafa kennt sér ís­lensku eins og til dæm­is fras­ann „Viltu deyja gaur?“.

Sænsk­ur laga­smiður hjálpaði hon­um

Kyle samdi lagið Lig­hter ásamt Adam Wood.

„Ég bjó til demó og Adam, sem hef­ur verið tvisvar í Melodi­festi­valen, sagði: Vá, þetta er mjög gott“, út­skýr­ir Kyle.

Wood fram­leiddi nýja út­gáfu: „Streng­irn­ir gerðu lagið epískt.“
Sam­an sendu þeir verkið í Melodi Grand Prix: „Við send­um það - og við unn­um og hér erum við, í úr­slit­um Eurovisi­on.“

Er Adam norsk­ur?
„Nei, sænsk­ur… uss“.

Topp 10 mark­miðið

„Ef þú ert í þessu, ertu í þessu til að vinna“, seg­ir hann. Hann bæt­ir svo við:

„Ég vil ná topp tíu, það væri mjög kúl. Topp fimm væri brjálað.“ 

Sama hvernig fer er ljóst að Kyle hef­ur stækkað mark­hóp­inn sinn um­tals­vert.
„Ég fór úr 60.000 fylgj­end­um upp í 130.000. Það er brjálað.“

Stress? „Nei, ekk­ert. Við VÆB erum yngstu þátt­tak­end­urn­ir. Kannski er það ald­ur­inn.“

Bróðir­inn fór í tveggja vikna bíltúr með hár­laus­um ketti

Faðir hans er á staðnum en móðirin er heima vegna veik­inda. Hún sendi hins veg­ar raddskila­boð eft­ir að Kyle komst áfram:

„Hún sagði: Ég er svo, svo, svo stolt af þér.“

Bróðir hans brunaði á bíl frá Nor­egi með kær­ust­una og hár­lausa kött­inn sinn: „Leiðin var Nor­eg­ur–Svíþjóð–Dan­mörk–Þýska­land–Frakk­land–Ítal­ía–og svo hingað til Basel. Þetta hef­ur tekið hann tvær vik­ur.“

„Ef ykk­ur lík­ar það sem ég geri, kjósið mig“

Að lok­um snýr hann sér til Íslands:

„Takk kær­lega fyr­ir stuðning­inn í undanúr­slit­un­um. Ég veit að marg­ir Íslend­ing­ar kusu mig. Endi­lega haldið áfram að styðja VÆB - þeir eru frá­bær­ir. Ef ykk­ur lík­ar það sem ég geri á laug­ar­dag­inn, þá megið þið endi­lega kjósa mig.“

mbl.is fylg­ist áfram með Kyle, VÆB og öll­um hinum kepp­end­un­um þegar ljós­in kvikna í St. Jak­obs­halle annað kvöld.

Ljós­mynd/​Thor Hå­kon Ulstad