„Við erum svo ánægðir og þakk­lát­ir. Þetta var besti flutn­ing­ur­inn hingað til og við gáf­um allt í þetta,“ sögðu bræðurn­ir Hálf­dán Helgi og Matth­ías Davíð þegar mbl.is hitti þá skömmu eft­ir að stig Eurovisi­on-úr­slit­anna voru kunn­gjörð í gær. „Ég gæti ekki verið stolt­ari af bróður mín­um hérna,“ bæt­ir Hálf­dán við.

Líta til baka

„Þetta er bara æðis­legt. Bara búið að vera draum­ur,“ seg­ir Matth­ías. Þeir fengu töl­urn­ar strax í hend­urn­ar: „Við vor­um að fá að vita að við vor­um í sjötta sæti á undanúr­slita­kvöld­inu og sautjánda sæti í síma­kosn­ing­unni í kvöld.“

Lagið var fyr­ir fólkið

„Við gerðum þetta lag ekki fyr­ir eitt­hvað lið í jakka­föt­um,“ út­skýr­ir Hálf­dán. „Það var ekki liðið sem við gerðum þetta fyr­ir. Við gerðum þetta fyr­ir þjóðina, fyr­ir fólkið. Og fólkið kaus, og við erum ótrú­lega ánægðir.“

Bestu minn­ing­arn­ar

Aðspurðir um það besta við æv­in­týrið: „Kynn­ast öll­um. Það er svo mikið af meist­ur­um sem eru frá öðrum lönd­um. Bara hanga með þessu liði og spjalla við það.“

Hvað er fram und­an hjá VÆB?

„Það eru tón­leik­ar næstu helgi – við vor­um að bæta við auka­tón­leik­um,“ segja þeir og bæta við að ferskt efni sé nú þegar komið frá tví­eyk­inu: „Við vor­um að gefa út lag í dag, Dr. Saxap­ho­ne. Gerðum þetta bara á hót­el­inu fyr­ir tveim­ur dög­um eða eitt­hvað - gáf­um það bara út.“ 
„Síðan erum við bara að spila út um allt í sum­ar.“

Kveðja til Íslands

„Við hlökk­um svo mikið til að spila fyr­ir alla. Þetta eru slæm­ir dag­ar fyr­ir VÆB-hat­ara. Mér þykir fyr­ir því. Það er samt ótrú­lega skemmti­legt,“ seg­ir Hálf­dán og bros­ir.
Strák­arn­ir bæta við: „Við elsk­um ykk­ur öll. Takk fyr­ir að gefa okk­ur þetta tæki­færi. Svo mik­il ást. VÆB elsk­ar ykk­ur.“

mbl.is þakk­ar VÆB-bræðrum, ís­lenska Eurovisi­on-teym­inu og les­end­um kær­lega fyr­ir sam­fylgd­ina í gegn­um þetta æv­in­týri og við kveðjum frá Basel.