Kristrún Frosta­dótt­ir for­sæt­is­ráðherra seg­ir að stefna rík­is­stjórn­ar­inn­ar um að ná halla­laus­um fjár­lög­um fyr­ir árið 2027 krefj­ist „erfiðra aðgerða á gjalda­hlið en líka á tekju­hlið“ rík­is­sjóðs.

Þetta kom fram í óund­ir­bún­um fyr­ir­spurn­um á Alþingi í dag þegar Áslaug Arna Sig­ur­björns­dótt­ir þingmaður Sjálf­stæðis­flokks­ins spurði Kristrúnu út í hvaða frek­ari skatta­hækk­an­ir væru fyr­ir­hugaðar hjá rík­is­stjórn­inni og spurði sér­stak­lega um ferðaþjón­ust­una í því sam­hengi.

Skatta­hækk­an­irn­ar fyr­ir­boði

Áslaug Arna hóf fyr­ir­spurn sína á orðunum: „Hæst­virt rík­is­stjórn, sem lofaði því að hækka ekki skatta á venju­legt fólk í aðdrag­anda kosn­inga, er strax á fyrstu mánuðum í mikl­um skatta­hækk­un­ar­gír. Þær skatta­hækk­an­ir sem átti þó að ráðast í, og sem á ein­hvern hátt áttu alls ekki að bitna á venju­legu fólki, átti að taka í ör­ugg­um og ró­leg­um skref­um. Það hef­ur lítið farið fyr­ir því lof­orði.“

Þá sagði Áslaug ekki nema von að spurt sé hvort „þess­ar stór­felldu skatta­hækk­an­ir“ séu fyr­ir­boði fyr­ir næstu skref rík­is­stjórn­ar­inn­ar.

„Hvaða at­vinnu­grein ligg­ur næst við höggi? Er það ferðaþjón­ust­an? Er það óvenju­lega fólkið? Hvaða skatta­hækk­an­ir er rík­is­stjórn­in með uppi í erm­inni sem verið er að vinna að?“ spurði Áslaug for­sæt­is­ráðherr­ann.

Svaraði ekki spurn­ing­unni

Í svari sínu vék Kristrún að tíðræddu veiðigjalda­frum­varpi rík­is­stjórn­ar­inn­ar og sagði það vænt­an­lega það sem Áslaug vísaði í þegar hún talaði um skatta­hækk­an­ir.

Færði hún rök fyr­ir því að ekki væri um eig­in­leg­an skatt að ræða en svaraði engu um hvort til stæði að skatt­leggja ferðaþjón­ust­una eða aðrar at­vinnu­grein­ar.

Þá sneri Áslaug Arna aft­ur upp í pontu, ít­rekaði spurn­ingu sína og bætti jafn­framt við að hjákát­legt væri hvað „ráðherr­ar þess­ar­ar rík­is­stjórn­ar höfðu mikl­ar áhyggj­ur af stýri­vöxt­um á síðasta kjör­tíma­bili á sama tíma og nú­ver­andi rík­is­stjórn ger­ir allt í sínu valdi til að stöðva vaxta­lækk­un­ar­ferlið.“

Stefn­an krefst erfiðra aðgerða

Í andsvari sínu við þessu sagði for­sæt­is­ráðherra að síðasta rík­is­stjórn hafi farið þá leið að „brjóta verðbólg­una aft­ur á bak­inu á venju­legu fólki í land­inu með því að stuðla að ójafn­vægi í rík­is­rekstr­in­um.“

Þá sagði hún að „besti mæli­kv­arðinn á fókus þess­ar­ar rík­is­stjórn­ar“ væri sú stefna að vera með halla­laus fjár­lög árið 2027 og að það krefðist erfiðra aðgerða á „gjalda­hlið en líka á tekju­hlið.“