Þór­unn Svein­bjarn­ar­dótt­ir, for­seti Alþing­is, lagði í dag fram frum­varp um fram­leng­ingu á störf­um framtíðar­nefnd­ar og að for­manni nefnd­ar­inn­ar verði greitt 10% auka­álag fyr­ir störf sín. Þingmaður Miðflokks­ins seg­ir frum­varpið brjóta í bága við mark­mið nú­ver­andi rík­is­stjórn­ar um hagræðingu þar sem nefnd­in sé bæði tíma­sóun og pen­inga­sóun. 

Nefnd­inni var komið á fót að frum­kvæði Katrín­ar Jak­obs­dótt­ur, þáver­andi for­sæt­is­ráðherra. Henni var ætlað að starfa út kjör­tíma­bilið sem hófst árið 2021 en með lög­um sem samþykkt voru á síðasta ári var starfs­tími nefnd­ar­inn­ar fram­lengd­ur út árið 2025, þar sem ekki náðist að ljúka þeirri vinnu sem var inn­an nefnd­ar­inn­ar vegna stjórnaslita síðasta haust. 

Álags­greiðsla for­manns upp á 2 millj­ón­ir

Í frum­varp­inu seg­ir að nefnd­in sé ólík öðrum þing­nefnd­um „sem að meg­in­stefnu til fjalla um mál sem til þeirra er vísað og hafa af­markað mál­efna­svið. Framtíðar­nefnd­in hef­ur opn­ara hlut­verk og ekki er vísað til henn­ar mál­um held­ur er það nefnd­ar­inn­ar sjálfr­ar að hafa frum­kvæði að þeim mál­um sem hún tek­ur til um­fjöll­un­ar og vinnslu.“

Seg­ir þar jafn­framt að þar sem það er knapp­ur tími til ára­móta og þar sem eng­inn þeirra nefnd­ar­manna sem sitja nú í nefnd­inni sat í henni á síðasta kjör­tíma­bili sé erfitt að miða við reynslu og starf nefnd­ar­inn­ar á þeim tíma, sér­stak­lega þar sem nefnd­in náði ekki að ljúka störf­um sín­um þar sem kjör­tíma­bilið var styttra en gert var ráð fyr­ir. 

„Er því lagt til að fram­lengja starfs­tíma nefnd­ar­inn­ar að nýju út yf­ir­stand­andi kjör­tíma­bil og veita með því betra svig­rúm til að leggja mat á reynsl­una og fram­hald á starfi nefnd­ar­inn­ar.“

Er jafn­framt lagt til að formaður nefnd­ar­inn­ar, Jón Gn­arr, þingmaður Viðreisn­ar, fái auka 10% álag á laun sín þar sem ábyrgð for­manns nefnd­ar­inn­ar sé sam­bæri­leg þeim og for­menn fasta­nefnda fá en þeir fá 15% álag á laun sín fyr­ir for­mennsk­una. Hingað til hef­ur for­mennska í nefnd­inni ekki verið launuð.

Fær Jón því 152.584 krón­ur auka­lega á mánuði og gera má ráð fyr­ir að álags­greiðslan geti orðið um eða yfir 2 millj­ón­ir króna á mánuði þar sem þing­fara­kaup breyt­ist 1. júlí hvert ár og laun þing­manns­ins geta því hækkað.

Bit­laust verk­færi sem eyðir tíma og fé

Snorri Más­son, þingmaður Miðflokks­ins, hef­ur setið í nefnd­inni frá því að þing kom sam­an í fe­brú­ar sl. Hann er gagn­rýn­inn á til­gang nefnd­ar­inn­ar og seg­ir hana vera bit­laust verk­færi sem sé bæði tíma­sóun og pen­inga­sóun. 

„Mér finnst það skjóta mjög skökku við að stjórn­in læt­ur eins og hún sé að hagræða en hagræðir ekki fyr­ir sig og sína inni í þing­inu,“ seg­ir Snorri. 

Bend­ir hann á að það sé ekki ein­ung­is kostnaður fólg­inn í því að auka launa­kostnað for­manns nefnd­ar­inn­ar held­ur sé það kostnaðarsamt að halda úti nefnd­inni. Nefn­ir hann til dæm­is þann kostnað sem felst í aðkeyptu sér­fræðiáliti og annað. 

Störf­um nefnd­ar­inn­ar bet­ur borgið inn­an annarra nefnda

„Við verðum að for­gangsraða fjár­mun­um hins op­in­bera þegar við erum að þykj­ast vera í ein­hverj­um hagræðing­ar­fasa. Það er bara þjóðþrifa­verk og ef þingið er að senda þau skila­boð að þau ætli að halda áfram að dunda sér með þessa dund-nefnd eru það al­gjör­lega skila­boð í allt aðra átt,“ seg­ir Snorri. 

Tek­ur hann jafn­framt fram að það sé ým­is­legt inn­an nefnd­ar­inn­ar sem megi halda áfram að vinna að en að vinn­an geti farið fram inn­an annarra nefnda Alþing­is. 

„Það er hægt að ræða þessi mál á vett­vangi fasta­nefnda Alþing­is og hægt að eiga um þau al­vöru póli­tíska umræðu bæði þar og í þing­söl­um. Það eru þau verk­færi sem hafa virkað, þetta hef­ur ekki virkað. Það er búið að gera þessa til­raun og henni á að ljúka hér,“ seg­ir Snorri.