Ey­dís Ásbjörns­dótt­ir þingmaður Sam­fylk­ing­ar­inn­ar tel­ur að Karl Gauti Hjalta­son þingmaður Miðflokks­ins hafi skorað „vand­ræðal­egt sjálfs­mark“ í þingsal á mánu­dag­inn er hann sagði að dóms­málaráðherra hefði ætlað að senda Úlfar Lúðvíks­son, fyrr­ver­andi lög­reglu­stjóra á Suður­nesj­um, í „ein­hvern Lok­in­hamra­dal“.

Þor­björg Sig­ríður Gunn­laugs­dótt­ir dóms­málaráðherra bauð Úlfari að taka við embætti lög­reglu­stjór­ans á Aust­ur­landi gegn því að hann hætti í embætti lög­reglu­stjór­ans á Suður­nesj­um. Úlfar þáði ekki það boð og lét af embætti lög­reglu­stjóra. 

Frétt af mbl.is

Var boðið embætti lög­reglu­stjór­ans á Aust­ur­landi

Karl Gauti spurði í ræðu sinni á Alþingi á mánu­dag­inn hvort að með þessu hafi átt að senda Úlfar í „ein­hvern Lok­in­hamra­dal“ vegna þess að dóms­málaráðherra væri í nöp við stefnu Úlfars á landa­mær­um lands­ins. 

Rétt er að nefna það að Lok­in­hamra­dal­ur er af­skekkt­ur dal­ur á Vest­fjörðum. 

Þingmaður­inn viti bet­ur

Ey­dís sagðist í störf­um þings­ins í dag vilja bregðast stutt­lega við orðum Karls Gauta. 

„Karl Gauti gagn­rýndi boð um stöðubreyt­ingu lög­reglu­stjór­ans og vísaði til þess að senda ætti hann í ein­hvern Lok­in­hamra­dal, með þeim tón að slíkt væri nú ekki til mik­ill­ar virðing­ar. Aust­ur­land er ekki af­skekkt horn held­ur mik­il­vægt svæði. Þar eru hafn­ir og flug­vell­ir þar sem öfl­ugt landa­mæra­eft­ir­lit fer fram.“

Ey­dís seg­ir það koma á óvart að heyra þessa nálg­un frá Karli Gauta enda sé hann lands­byggðarþingmaður auk þess sem hún seg­ir hann þekkja lög­gæslu­mál afar vel enda var Karl Gauti áður lög­reglu­stjóri. 

Að lok­um seg­ir Ey­dís að það sem hafi í huga Karls Gauta hljómað eins og vel út­færð sókn hafi reynst lítið annað en vand­ræðal­egt sjálfs­mark.