Bys­sumaður­inn sem drap tvær mann­eskj­ur fyr­ir utan safn gyðinga í Washingt­on-borg var upp­haf­lega tal­inn vera fórn­ar­lamb skotárás­ar­inn­ar og var hon­um því hleypt inn í bygg­ing­una, að sögn vitna.

Frétt af mbl.is

Tveir Ísra­els­menn myrt­ir í Washingt­on

„Við heyrðum byssu­skot og síðan kem­ur inn maður sem virðist í miklu upp­námi. Fólk er að tala við hann og reyna að róa hann niður,” sagði Katie Kalisher í viðtali við banda­ríska fjöl­miðla. Hún sagðist hafa verið inni í safn­inu þegar árás­in var gerð.

„Loks kem­ur hann þangað sem ég sat og ég sagði: „Viltu fá vatn? Er allt í lagi með þig“.“

Maður tal­ar í sím­ann skammt frá safn­inu. AFP/​Alex Wroblewski

„Hann var í áfalli“

Vitnið Yoni Kalin sagði að ör­ygg­is­vörður hefði hleypt mann­in­um inn í bygg­ing­una. „Ætli þeir hafi ekki haldið að hann væri fórn­ar­lamb,“ sagði hann.

„Hann var í áfalli og ein­hverj­ir náðu meira að segja í vatn handa hon­um. Þeir fengu hann til að setj­ast niður. „Er allt í lagi með þig? Varstu skot­inn? Hvað gerðist?“ Og hann seg­ir: „Ein­hver þarf að hringja á lög­regl­una“.

Frétt af mbl.is

„Erum að verða vitni að hræðilegu gyðinga­h­atri“

Maður­inn var hand­tek­inn eft­ir að hann dró upp palestínsk­an klút úr tösku sinni og lýsti yfir ábyrgð á verknaðinum, að sögn vitn­anna.

„Ég gerði þetta. Ég gerði þetta fyr­ir Gasa,“ höfðu þau eft­ir hon­um.

Yaron Lischinsky og Sarah Lynn Mil­grim. AFP

Nöfn­in birt

Að sögn lög­regl­unn­ar heit­ir grunaði árás­armaður­inn Eli­as Rodrigu­ez og er þrítug­ur frá borg­inni Chicago.

Ísra­elska ut­an­rík­is­ráðuneytið hef­ur birt nöfn fórn­ar­lambanna tveggja. Þau hétu Yaron Lischinsky og Sarah Lynn Mil­grim og störfuðu bæði í ísra­elska sendi­ráðinu í Washingt­on.

Sendi­herra Ísra­els í Banda­ríkj­un­um, Yechiel Leiter, sagði blaðamönn­um að starfs­menn­irn­ir tveir hefðu verið par og að Lischinsky hefði ætlað sér að bera upp bón­orðið á næst­unni.

AFP/​Alex Wroblewski