Jarðskjálfta­hrin­an sem hófst á Reykja­nes­hrygg vest­an við Eld­ey í há­deg­inu held­ur áfram. Eft­ir yf­ir­ferð reynd­ist stærsti skjálft­inn vera 5,1 að stærð kl. 14.21.

Þetta kem­ur fram í til­kynn­ingu frá Veður­stof­unni, sem hef­ur fengið til­kynn­ing­ar um að skjálft­inn hafi fund­ist víða á Suður- og Vest­ur­landi, eða frá Akra­nesi að Hellu.

Að minnsta kosti 160 skjálft­ar hafa mælst í hrin­unni, þar af 18 sem eru um 3 að stærð eða stærri. Bú­ast má við að hrin­an haldi áfram, en ómögu­legt er að segja hversu lengi.

Frétt af mbl.is

Skjálfti um 4,9 að stærð: Hrina haf­in við Eld­ey

Hrin­ur eru al­geng­ar á svæðinu. Krist­ín Elísa Guðmunds­dótt­ir, ann­ar nátt­úru­vár­sér­fræðing­ur á Veður­stofu Íslands, seg­ir að skjálft­arn­ir séu lík­leg­ast vegna spennu­breyt­inga.

„Það er ekk­ert á af­lög­un­ar­mæl­un­um sem benda mikið til þess að þetta teng­ist elds­um­brot­un­um sem hafa verið á Reykja­nesskag­an­um,“ seg­ir Krist­ín Elsa við mbl.is.

„Það er langlík­leg­ast að þetta sé út af fleka­hreyf­ing­um en þess­ir skjálft­ar eru á svæðinu þar sem Evr­asíuflek­inn og Norður-Am­er­íkuflek­inn eru að fær­ast í sund­ur, þannig að við fáum oft jarðskjálfta­hrin­ur á þessu svæði.“

Ómögu­legt sé að segja til um hvort toppn­um sé náð í skjálfta­hrin­unni eða hversu lengi hún gæti staðið yfir, seg­ir Krist­ín.

Skjálft­arn­ir eru vest­ur af Eld­ey. Ljós­mynd/​Páll Stef­áns­son