Þegar Krist­ín María Birg­is­dótt­ir missti vinn­una sem markaðs- og upp­lýs­inga­full­trúi hjá Grinda­vík­ur­bæ í lok apríl ákvað hún að stofna ferðaþjón­ustu­fyr­ir­tæki sem hef­ur það að mark­miði að segja sögu ham­far­anna í Grinda­vík. 

Fyr­ir­tækið Disco­ver Grinda­vík hef­ur þegar tekið til starfa í bæn­um. Þar mun hún taka á móti ferðamönn­um og segja þeim frá sögu nátt­úru­ham­far­anna í Grinda­vík og ekki síst sögu fólks­ins í Grinda­vík og hvaða áhrif ham­far­irn­ar hafa haft á sál­ar­líf Grind­vík­inga. 

„Sem markaðs- og upp­lýs­inga­full­trúi er ég búin að vera segja sög­una frá því að rým­ing­in var í bæn­um. Síðan missi ég vinn­una í lok apríl. Það geng­ur illa og erfiðlega fyr­ir sveit­ar­fé­lag eins og Grinda­vík­ur­bæ með litla út­færslu að gera að halda eðli­legri starf­semi gang­andi. Ég er ekki að leggja árar í bát held­ur trúi því að sókn sé besta vörn­in,“ seg­ir Krist­ín spurð hvað komi til að hún ákveði að opna fyr­ir­tækið á þess­um tíma. 

Finn­ur strax fyr­ir mikl­um áhuga

Hún seg­ir að hún finni strax fyr­ir áhuga frá fólki sem vill hitta ein­hvern frá Grinda­vík til að segja sögu bæj­ar­ins en Krist­ín er fædd og upp­al­in í Grinda­vík og hef­ur starfað stór­an hluta starfsævi sinn­ar í bæn­um. 

„Mér finnst mik­il­vægt að fólk fái inn­sýn í það að þetta séu ekki aðeins ham­far­ir sem eru sjá­an­leg­ar á jörðinni held­ur hef­ur líka haft mik­il áhrif sál­ar­líf fólks,“ seg­ir Krist­ín.

„Það er heilt sam­fé­lag þarna á bak við sem þess­ar nátt­úru­ham­far­ir höfðu áhrif á. Það er í raun saga að segja frá því,“ seg­ir Krist­ín. 

„Tæki­færið til að heim­sækja Grinda­vík er núna í sum­ar“

Spurð hvers kyns þjón­ustu fyr­ir­tækið muni bjóða upp á seg­ir Krist­ín að áhersl­an verði á ein­ka­upp­lif­un þar sem boðið verði upp á kynn­ingu um bæ­inn og sögu hans með leiðsögn í gegn­um bæ­inn. Þá hef­ur hún einnig boðið upp á kynn­ingu á veit­inga­stöðum bæj­ar­ins.  

Aðspurð seg­ir hún að það séu er­lend­ir ferðamenn sem séu hve dug­leg­ast­ir að heim­sækja Grinda­vík. Biðlar hún þó einnig til Íslend­inga að gera sér ferð í bæ­inn í sum­ar og styðja við þau fyr­ir­tæki sem hafa opnað á ný. 

„Tæki­færið til að heim­sækja Grinda­vík er núna í sum­ar. Það eru fyr­ir­tæki sem eru að koma sér upp á lapp­irn­ar og reyna að lifa af,“ seg­ir Krist­ín 

Disco­ver Grinda­vík hef­ur þegar tekið til starfa en opn­un­ar­hóf fyr­ir­tæk­is­ins fer fram næst­kom­andi miðviku­dag í Kvik­unni, menn­ing­ar­húsi Grinda­vík­ur.