Ekki er úti­lokað að nema megi brátt meiri óró­leika og frek­ari rek­hreyf­ing­ar á Reykja­nes­hryggn­um og ávallt er mögu­leiki á að kvik­an nái hærra upp og jafn­vel að enn eitt eld­gosið verði.

Þetta seg­ir Ari Trausti Guðmunds­son jarðeðlis­fræðing­ur í færslu í hópn­um Jarðsögu­vin­ir á face­book.

Miðað við öfl­ugu hrin­una við Eld­eyj­ar­dranga – yfir 650 skjálft­ar, 38 stærri en M3 og stærsti skjálft­inn yfir M5 - sé rétt að skoða dýpt­ar­dreif­ingu upp­tak­anna, sem sé oft á yfir 10km dýpi, og allt að 20km.

Það geti bent til þess að þarna hefði orðið stórt gangainn­skot með til­heyr­andi sprungu­mynd­un. Sé það raun­in seg­ir Ari ekki úti­lokað að þarna megi brátt nema meiri óró­leika. Tek­ur hann þó fram að um sé aðeins að ræða áminn­ingu um reynslu­bund­inn mögu­leika, ekki spá um næsta eld­gos.

Frétt af mbl.is

Skjálfti um 4,9 að stærð: Hrina haf­in við Eld­ey