Þrjú úkraínsk börn á aldr­in­um átta til sautján ára lét­ust í stór­felld­um eld­flauga- og dróna­árás­um Rússa í héraðinu Zhotomyr nótt. Tíu til viðbót­ar særðust í árás­um á héraðið.

Volodimír Selenskí Úkraínu­for­seti hvatti í morg­un þjóðarleiðtoga Evr­ópu og Banda­ríkj­anna til að auka þrýst­ing á Rússa um vopna­hlé. Öðru­vísi yrði stríðið ekki stöðvað.

Sam­kvæmt færslu frá úkraínska flug­hern­um á Tel­egram lét­ust alls tólf manns í árá­um Rússa í nótt, en her­inn seg­ist hafa skotið niður 45 rúss­nesk­ar eld­flaug­ar og 266 árás­ar­dróna.

Frétt af mbl.is

Aðeins frek­ari refsiaðgerðir leiði til vopna­hlés

Grimmd­in ekki stöðvuð án al­vöru þrýst­ings

Er þetta önn­ur nótt­in í röð þar sem Rúss­ar gera stór­felld­ar árás­ir á Úkraínu og í nótt urðu flest landsvæði fyr­ir barðinu á þeim.

Í færslu á sam­fé­lags­miðlum í morg­un kallaði Selenskí eft­ir frek­ari stuðningi Evr­ópu og Banda­ríkj­anna.

„Þessi grimmd verður ekki stöðvuð án al­vöru þrýst­ings á stjórn­völd í Rússlandi. Refsiaðgerðir munu svo sann­ar­lega hjálpa,“ skrifaði Úkraínu­for­seti.

Hvatti hann jafn­framt Banda­rík­in, ríki Evr­ópu og alla þá sem leit­ast eft­ir að koma á friði til að sýna festu og þvinga Rússa til að stöðva stríðið.