Minnst 52 lét­ust í loft­árás­um Ísra­els­hers á Gasa í morg­un og tug­ir til viðbót­ar særðust, að sögn viðbragðsaðila á Gasa.

33 fór­ust þar sem þau höfðu leitað skjóls í skóla­bygg­ingu sem hýsti flótta­menn. Þá fór­ust nítj­án í loft­árás í Jabalia á norðan­verðri Gasa­strönd­inni, að sögn Mahmud Bassal, for­svars­manni al­manna­varna á Gasa.

Á meðan árás­irn­ar stóðu yfir kynntu sátta­semj­ar­ar fyr­ir Ísra­el og Ham­as til­lögu að 70 daga vopna­hléi og samn­ing til frels­un­ar gísl­um.

Frétt af mbl.is

20 drepn­ir í árás á skóla í Gasa­borg

Harðar sókn­araðgerðir vekja óhug

Ísra­el hef­ur á ný tekið til harðra sókn­araðgerða gegn Ham­as og vakið með því for­dæm­ingu alþjóðasam­fé­lags­ins, meira að segja meðal stuðnings­manna Ísra­els.

Evr­ópsk­ir og miðaust­ur­lensk­ir leiðtog­ar hitt­ust á Spáni til að kalla eft­ir því að hinu „ómannúðlega“ og „til­gangs­lausa“ stríði ljúki.

Mannúðarsam­tök hafa sömu­leiðis gagn­rýnt þá litlu hjálp sem borist hef­ur.

Vill vopna­sölu­bann

Ut­an­rík­is­ráðherra Spán­ar, Jose Manu­el Al­bares, kallaði eft­ir vopna­sölu­banni gagn­vart Ísra­el og að mannúðaraðstoð til svæðis­ins gæti farið fram „í stór­um stíl, skil­yrðis­laust og án íhlut­un­ar Ísra­els“. Svæðið væri „opið sár man­kynns“.

Gagn­rýni kansl­ara Þýska­lands, Friedrich Merz, í kjöl­far árás­anna var óvenju hörð:

„Ég skil hvorki hvað Ísra­els­her er að gera á Gasa­strönd­inni né hvað vak­ir fyr­ir þeim leng­ur.“ Áhrif­in á íbúa Gasa sé „ekki hægt að rétt­læta leng­ur.“

Ísra­elski her­inn seg­ir að árás­in hafi hæft „lyk­il­hryðju­verka­menn sem störfuðu með Ham­as og sam­tök­un­um Íslamskt jí­had“. Í aðdrag­anda aðgerðanna hafi ýms­ar ráðstaf­an­ir verið gerðar til að lág­marka skaða á al­menn­um borg­ur­um.

Stríðið hef­ur staðið í 19 mánuði. AFP/​Omar Al-Qatta