Siðanefnd Blaðamanna­fé­lags Íslands hef­ur vísað frá kæru Jóns Ótt­ars Ólafs­son­ar á hend­ur rit­stjórn Kveiks á RÚV, Ingólfi Bjarna Sig­fús­syni og Helga Selj­an.

Málið varðar þátt Kveiks, sem var send­ur út á RÚV 29. apríl, þar sem fjallað var um per­són­unjósn­ir um fjölda fólks árið 2012. Í þætt­in­um var fjallað um starf­semi fyr­ir­tæk­is­ins PPP slf. á ár­un­um eft­ir hrun.

Taldi málið varða siðaregl­ur BÍ

Í kæru seg­ir: „Þann 29. apríl sl. sendi Rík­is­út­varpið út þátt­inn Kveik þar sem und­ir­ritaður var meðal ann­ars til um­fjöll­un­ar. Vinnu­brögð starfs­manna Rík­is­út­varps­ins við vinnslu þátt­ar­ins voru ámæl­is­verð og varða að mati und­ir­ritaðs við siðaregl­ur Blaðamanna­fé­lags Íslands.“

Siðanefnd­in seg­ir í úr­sk­urði sín­um að í málsmeðferðarregl­um nefnd­ar­inn­ar sé mælt fyr­ir um að hver sá sem telji að blaðamaður hafi brotið siðaregl­ur og eigi hags­muna að gæta geti kært ætlað brot til siðanefnd­ar BÍ en áður skuli hann leita leiðrétt­ing­ar hjá kærðum fjöl­miðli.

Enn frem­ur skuli kæra hafa borist inn­an tveggja mánaða frá birt­ingu um­fjöll­un­ar, kær­an skuli vera skrif­leg, kæru­efni skuli vera af­markað með aug­ljós­um hætti og þá skuli af­rit af hinni kærðu um­fjöll­un, eða hlekk­ur á hana á vef, fylgja með.

Kæru­efnið ekki skýrt af­markað

„Að mati siðanefnd­ar upp­fyll­ir kæra máls­ins ekki fram­an­greind formskil­yrði. Kæru­efni máls­ins er ekki skýrt af­markað, ekki er að sjá að leiðrétt­ing­ar hafi verið leitað og þá fylgdi ekki með af­rit af kærðri um­fjöll­un. Af þeim sök­um er ekki annað hægt en að vísa mál­inu frá að svo stöddu.“