„Ég átta mig auðvitað á því að þetta sé óþægi­leg gagn­rýni fyr­ir þau en ég sé þetta svona og þetta varð til þess að koma hreyf­ingu á mál­in sem er gott og ég þakka [stjórn­ar­and­stöðunni] fyr­ir að hafa tekið söns­um.”

Þetta sagði Þor­björg Sig­ríður Gunn­laugs­dótt­ir dóms­málaráðherra að lokn­um rík­is­stjórn­ar­fundi í morg­un um umræður sem spunn­ust á þing­fundi í gær og urðu á end­an­um til þess að sam­komu­lag náðist milli þing­flokks­formanna um að færa umræður um frum­vörp dóms­málaráðherra er varða út­lend­inga­mál fram­ar á dag­skrá.

Auðvitað er það neðan­lega á dag­skrá

For­saga máls­ins er sú að um helg­ina sagði dóms­málaráðherra í viðtali að full­trú­ar stjórn­ar­and­stöðunn­ar, sér­stak­lega Miðflokks­menn, stæðu í vegi fyr­ir því að frum­varp henn­ar er varða landa­mæra­eft­ir­lit og farþegalista á Kefla­vík­ur­flug­velli kæm­ist í gegn­um þingið.

„Ég var í viðtali um helg­ina þar sem ég sagði að þess­ir tveir flokk­ar, Sjálf­stæðis­flokk­ur og Miðflokk­ur, þyrftu bara að svara fyr­ir það að málþóf hef­ur af­leiðngar.

Ég heyrði það að þeirra full­trú­ar fóru að tala um að þetta mál mitt um landa­mæra­eft­ir­lit og farþegalista, sem hef­ur verið mikið kallað eft­ir, hafi verið neðan­lega á dag­skrá og þá segi ég; Já, auðvitað er það neðan­lega á dag­skrá því að hún hagg­ast ekki. Hún hagg­ast ekki á meðan það er málþóf í gangi í þing­inu, málþóf sem að öll þjóðin sér að er í gangi,” seg­ir Þor­björg Sig­ríður.

Aldrei talað fyr­ir því að lyfta mál­inu

Þing­menn stjórn­ar­and­stöðunn­ar gagn­rýndu þessi um­mæli harðlega í upp­hafi þing­fund­ar í gær og bentu á að rík­is­stjórn­in færi með dag­skrár­vald á þing­inu og gæti fært út­lend­inga­mál fram­ar á dag­skrá þings­ins.

Líf­leg­ar umræður spunn­ust út frá þessu sem á end­an­um urðu til þess að hlé var gert á þing­fundi þar sem þing­flokks­for­menn sett­ust niður og sam­komu­lag náðist um að færa út­lend­inga­mál fram­ar á dag­skrá þings­ins.

„Þau voru ekki ánægð með þess­ar at­huga­semd­ir mín­ar og höfðu ekki gam­an af þeim en þetta varð þó til þess að þau sett­ust niður að borðinu og við náðum sam­komu­lagi og það var loks­ins hægt að ræða þetta mál,” seg­ir Þor­björg Sig­ríður og bæt­ir við:

„Aldrei hafa for­menn þing­flokka þess­ara flokka verið að tala fyr­ir því á fund­um þing­flokks­flokks­formanna að lyfta þessu máli, aldrei.”

Með fullt af flagg­skip­um

Þá seg­ir hún aðspurð að veiðigjalda­frum­varpið sé langt frá því að vera eina áherslu­mál rík­is­stjórn­ar­inn­ar.

„Við erum með fullt af flagg­skip­um úti, það er mjög skýr takt­ur og tónn í út­lend­inga­mál­um í stefnu­yf­ir­lýs­ingu rík­is­stjórn­ar­inn­ar um aft­ur­köll­un vernd­ar og um að taka úr sam­bandi sér­ís­lensk­ar regl­ur, til dæm­is svo­kallaða 18 mánaða reglu sem að veit­ir fólki sjálf­krafa alþjóðlega vernd hér á landi við það eitt að mál­in hafa dreg­ist í kerf­inu og um landa­mæra­eft­ir­lit með farþegalist­un­um,” seg­ir Þor­björg Sig­ríður að lok­um.