Heil­brigðisráðuneytið stefn­ir að auknu sam­starfi á milli tal­meina­fræðinga sem starfa sjálf­stætt og þeirra sem starfa hjá skólaþjón­ustu sveit­ar­fé­laga og bind­ur von­ir við að aukið sam­starf skili því að börn fái rétta þjón­ustu í viðeig­andi um­hverfi.

„Styrkja þarf þjón­ustu hjá sveit­ar­fé­lög­um og inn­an heil­brigðis­kerf­is­ins ásamt því að efla sam­vinnu á milli þjón­ustuaðila þannig að við veit­ingu þjón­ustu séu hags­mun­ir barns­ins hafðir að leiðarljósi.“

Þetta er meðal þess sem kem­ur fram í svari Ölmu Möller heil­brigðisráðherra við fyr­ir­spurn Bryn­dís­ar Har­alds­dótt­ur, þing­manns Sjálf­stæðis­flokks­ins.

Spurði Bryn­dís út í af­stöðu Ölmu til at­huga­semda og áskor­ana for­eldra um þjón­ustu tal­meina­fræðinga við börn utan skrif­stofu og í nærum­hverfi barn­anna og hvort hún hygg­ist bregðast við þeim at­huga­semd­um og áskor­un­um.

Frétt af mbl.is

Börn með al­var­legri vanda bíða leng­ur

Of mörg börn bíði nú eft­ir tal­meinaþjón­ustu

Fram kem­ur í svari Ölmu að nú­ver­andi fyr­ir­komu­lag um veit­ingu þjón­ustu bygg­ist á sam­komu­lagi sem und­ir­ritað var í maí árið 2014 á milli vel­ferðarráðuneyt­is og Sam­bands ís­lenskra sveit­ar­fé­laga um skipt­ingu ábyrgðar vegna tal­meinaþjón­ustu við börn með framb­urðarfrávik, málþroskafrávik og stam.

Sam­kvæmt sam­komu­lag­inu beri sveit­ar­fé­lög ábyrgð á nauðsyn­legri talþjálf­un vegna minni hátt­ar framb­urðar- og málþroskafrávika en ríkið beri ábyrgð á þjálf­un barna með al­var­legri frá­vik með greiðsluþátt­töku sjúkra­trygg­inga fyr­ir talþjálf­un hjá sjálf­stætt starf­andi tal­meina­fræðing­um.

Frá því að ábyrgðar­skipt­ing var ákveðin fyr­ir rúm­um ára­tug hefðu orðið mikl­ar breyt­ing­ar, m.a. með til­komu nýrr­ar reglu­gerðar um skólaþjón­ustu leik- og grunn­skóla, þar sem ít­rekað sé mik­il­vægi þess að veita nauðsyn­lega þjón­ustu inn­an skóla, og með til­komu far­sæld­ar­lag­anna.

Ætl­un­in með skipt­ing­unni hefði m.a. verið að jafna aðgengi barna að þjón­ustu en of mörg börn bíði nú eft­ir tal­meinaþjón­ustu hjá ríki og sveit­ar­fé­lög­um. Því þurfi að breyta.

Greiðsluþátt­taka SÍ nú skil­yrt við til­vís­un lækn­is

Seg­ir Alma ljóst að end­ur­skoða verði ábyrgðar­skipt­ingu að teknu til­liti til áður­nefndra breyt­inga með aukna sam­vinnu að leiðarljósi. Auk þess verði að meta sér­stak­lega hvernig veit­ing þjón­ustu horf­ir við börn­um með fjölþætt­ari vanda er varðar málþroska ein­vörðungu, og við börn­um sem hafi ekki ís­lensku að móður­máli.

Seg­ir hún ráðuneytið hafa unnið und­an­farna mánuði að gerð miðlægs biðlista vegna þjón­ustu sjálf­stætt starf­andi tal­meina­fræðinga. Sam­hliða því hefði verið unnið að breyttu fyr­ir­komu­lagi til­vís­ana til tal­meina­fræðinga en greiðsluþátt­taka SÍ sé nú skil­yrt við til­vís­un lækn­is. Seg­ir hún von­ir bundn­ar við að aukið sam­starf milli tal­meina­fræðinga sem starfa sjálf­stætt og þeirra sem starfa hjá skólaþjón­ustu sveit­ar­fé­laga skili því að börn fái rétta þjón­ustu í viðeig­andi um­hverfi.

Styrkja þurfi þjón­ustu hjá sveit­ar­fé­lög­um og inn­an heil­brigðis­kerf­is­ins ásamt því að efla sam­vinnu á milli þjón­ustuaðila þannig að við veit­ingu þjón­ustu séu hags­mun­ir barns­ins hafðir að leiðarljósi. Stefnt sé að end­ur­skoðun fyrr­nefndr­ar ábyrgðar­skipt­ing­ar þegar hóp­ur um þjón­ustu tal­meina­fræðinga við börn hef­ur skilað niður­stöðum sín­um en vinna hóps­ins sé á loka­metr­un­um.

Á meðan unnið sé að slíkri end­ur­skoðun hefði ráðherra beint því til SÍ að end­ur­skoða viðeig­andi ákvæði í samn­ingi um tal­meinaþjón­ustu varðandi veit­ingu nauðsyn­legr­ar þjón­ustu í nærum­hverfi barna með það að mark­miði að efla hana.