Ut­an­rík­is­ráðherra Banda­ríkj­anna hef­ur fyr­ir­skipað að stöðva all­ar af­greiðslur um náms­manna­leyfi er­lendra náms­manna í Banda­ríkj­un­um á meðan beðið er eft­ir frek­ari leiðbein­ing­um frá Banda­ríkja­stjórn. 

Frá þessu grein­ir AFP-frétta­stof­an sem kveðst hafa séð skeyti und­ir­ritað af Marco Ru­bio, ut­an­rík­is­ráðherra Banda­ríkj­anna, þess efn­is. 

Í skeyt­inu seg­ir að ut­an­rík­is­ráðuneytið muni gefa út frek­ari leiðbein­ing­ar um hvernig eigi að meðhöndla um­sókn­ir um náms­manna­leyfi á næstu dög­um. 

Taka því „mjög al­var­lega“ að kanna hverj­ir koma til lands­ins

Tammy Bruce, talsmaður banda­ríska ut­an­rík­is­ráðuneyt­is­ins, vildi ekki tjá sig með bein­um hætti um inni­hald skeyt­is­ins þegar eft­ir því var leitað. Sagði hann þó að rík­is­stjórn­in taki „mjög al­var­lega ferlið að kanna hverj­ir það eru sem koma til lands­ins“. 

Sagði hann að mark­miðið væri að kanna hvort að fólk sem sæki um náms­manna­leyfi í Banda­ríkj­un­um „skilji lög­in, hafi ekki glæp­sam­leg­an ásetn­ing og muni leggja sitt af mörk­um til upp­lif­un­ar­inn­ar hér, sama hversu löng eða stutt dvöl þeirra verður“.

Spurður hvort er­lend­ir nem­end­ur sem hafa fengið samþykkta skóla­vist við banda­ríska há­skóla mættu búa sig und­ir að hefja nám sitt í haust svaraði Bruce ekki spurn­ing­unni beint en sagði að all­ir þeir nem­end­ur ættu að gera ráð fyr­ir að vera skoðaðir.