Bergþór Ólason, þing­flokks­formaður Miðflokks­ins, tel­ur úti­lokað að rík­is­stjórn­in nái að klára þau mál sem liggja fyr­ir á þing­inu áður en þing­störf­um verður frestað og þing­menn fara í sum­ar­frí.

Bergþór seg­ir í sam­tali við mbl.is að þetta sé staðreynd sem blasi við öll­um nema ráðherr­um en sam­kvæmt starfs­áætl­un Alþing­is er áætlað að þing­frest­un verði 13. júní næst­kom­andi.

„Miðað við mála­fjöld­ann sem ligg­ur fyr­ir og hvernig staðan er á þeim mál­um í nefnd­um og á umræðum á þing­inu tel ég að ráðherr­arn­ir þurfi að taka eitt skref til baka og reyna að átta sig á hvað skuli leggja mesta áherslu á vegna þess að málastabb­inn í heild sinni verður ekki kláraður,“ seg­ir Bergþór.

„Allt farið í hund og kött“

For­gangs­röðun mála á þing­inu hef­ur sætt gagn­rýni, fyrr í vik­unni var frum­varp er varðar breyt­ing­ar á út­lend­inga­lög­um fært fram­ar á dag­skrá þings­ins í kjöl­far þess að stjórn­ar­andstaðan gagn­rýndi hve aft­ar­lega umræður um frum­varpið voru á dag­skrá þings­ins.

Frétt af mbl.is

Útlend­inga­mál­in færð fram­fyr­ir í kjöl­far gagn­rýni

„Það virðist ein­fald­lega allt farið í hund og kött í skipu­lagi val­kyrj­anna. For­gangs­röðunin virðist lít­il, stærstu mál­in dangla eins og mál sem engu skipta og öf­ugt. Ákveðin mál fara svo fram fyr­ir röð og það virðist fyrst og fremst gert til þess að friðþæga Flokk fólks­ins.“

„Ég veit ekki hvort þetta sé reynslu­leysi, stjórn­leysi eða yf­ir­veguð ákvörðun að sigla mál­um í þenn­an far­veg en ég er ansi hrædd­ur um það að þing­lok­in gætu orðið þau skraut­leg­ustu í lang­an tíma,“ seg­ir Bergþór aðspurður um hans álit á for­gangs­röðun þings­ins.

Taka at­hygli af mál­um Flokks fólks­ins

Það mál sem hvað mest hef­ur verið í umræðunni á þing­inu síðastliðnar vik­ur og mánuði eru fyr­ir­hugaðar hækk­an­ir á veiðigjöld­um. Bergþór bend­ir þó á að það séu fleiri mál á þing­inu sem séu mjög stór og skipti veru­legu máli.

Bergþór tel­ur að ráðherr­ar rík­is­stjórn­ar­inn­ar upp­lifi að mik­il­vægt sé að klára málið fyr­ir þinglok. Bergþór bæt­ir þó við að hann sé hrædd­ur um að það yrði til mik­ils skaða fyr­ir rík­is­stjórn­ina og sam­fé­lagið allt ef frum­varpið yrði keyrt í gegn „á afl­inu einu“.

„Ég held að mál­inu hafi verið hent inn áður en það var til­búið til þess að taka at­hygli fólks af ákveðnum mál­um Flokks fólks­ins. Rík­is­stjórn­in finn­ur sig nú í þeirri stöðu að þurfa að setja áherslu á að klára málið, sem er þó ekki til­búið,“ seg­ir Bergþór aðspurður að því af hverju hann tel­ur að frum­varpið hafi verið lagt fram þrátt fyr­ir að marg­ir bendi á að grein­ing­ar­vinnu um áhrif frum­varps­ins sé ábóta­vant.

Frétt af mbl.is

Flest­ar um­sagn­ir nei­kvæðar

Frétt af mbl.is

Sögðu þing­menn­irn­ir satt í pall­borðinu?

Rósa Guðbjarts­dótt­ir, þingmaður Sjálf­stæðis­flokks­ins, hef­ur gagn­rýnt frum­varp um lög­fest­ingu samn­ings Sam­einuðu þjóðanna um rétt­indi fatlaðs fólks. mbl.is/​Eggert Jó­hann­es­son

Ráðherr­ar segi bara eitt­hvað

Meðal þeirra mála sem liggja fyr­ir á þing­inu þessa stund­ina er frum­varp til lög­fest­ing­ar á samn­ingi Sam­einuðu þjóðanna um rétt­indi fatlaðs fólks. Í frum­varp­inu seg­ir að lög­fest­ing­in muni ekki leiða til auk­ins kostnaðar fyr­ir sveit­ar­fé­lög.

Rósa Guðbjarts­dótt­ir, þingmaður Sjálf­stæðis­flokks­ins, hef­ur hins veg­ar bent á að sam­kvæmt grein­ingu sem var gerð af Har­aldi Lín­dal Har­alds­syni, hag­fræðingi og fyrr­ver­andi bæj­ar­stjóra, muni lög­fest­ing­in koma til með að leiða til 15 millj­arða kostnaðar fyr­ir sveit­ar­fé­lög á ári hverju.

„Þetta hef­ur gríðarleg áhrif á sveit­ar­fé­lög þrátt fyr­ir að sam­kvæmt frum­varp­inu séu áhrif­in eng­in. Ráðherr­arn­ir virðast telja sig geta sagt bara eitt­hvað og vonað að það dugi í staðinn fyr­ir að setja sig inn í mál og greina þau,“ seg­ir Bergþór um frum­varpið.