For­seti Alþing­is seg­ir þingið „al­vant því að vinna hratt á loka­sprett­in­um, þá leggja sig all­ir fram“.

Þetta seg­ir Þór­unn Svein­bjarn­ar­dótt­ir, sem einnig er þingmaður Sam­fylk­ing­ar­inn­ar, í sam­tali við mbl.is, þegar hún varð spurð að því hvernig gangi að klára þing­mál á síðustu vik­um fyr­ir þinglok.

Síðasti þing­fund­ur starfs­áætl­un­ar Alþing­is er 12. júní. Þing­frest­un er fyr­ir­huguð 13. júní. Í dag er síðasti dag­ur nefnd­ar­daga fyr­ir frest­un­ina.

Eng­in leið að segja til um hvort allt verði af­greitt

„Hvort allt verður af­greitt er eng­in leið að segja til um núna,“ seg­ir Þór­unn. Um leið seg­ist hún vera bjart­sýn á að ná að klára mörg af þeim mál­um sem liggja fyr­ir þing­inu.

„Þetta hef­ur gengið vel hingað til,“ seg­ir Þór­unn. „Stjórn­ar­frum­vörp­in komu inn í tæka tíð fyr­ir frest­inn sem rann út fyrsta apríl. Þannig að það hef­ur gef­ist ágæt­ur tími í þing­nefnd­um til að vinna mál­in,“ seg­ir hún.

Oft hægt að semja

Þór­unn seg­ist eiga von á því að nefnd­ar­dag­ar sem nú standa yfir á þing­inu nýt­ist vel „en við sjá­um það í lok vik­unn­ar hversu margt verður af­greitt út úr nefnd­un­um,“ seg­ir hún.

„Það er oft hægt að semja um ein­hver mál. Það er gert á milli meiri­hluta og minni­hluta. Miðað við að þingið hafi komið sam­an í byrj­un fe­brú­ar þá er staðan mjög góð,“ seg­ir Þór­unn.