Hanna Katrín Friðriks­son at­vinnu­vegaráðherra vill víkja frá skyld­um Fiski­stofu um að stöðva strand­veiðar svo að hægt verði að tryggja 48 daga strand­veiðitíma­bil í sum­ar, sem Flokk­ur fólks­ins lagði mikla áherslu á í síðustu þing­kosn­ing­um.

Fiski­stofa á sam­kvæmt lög­um að stöðva strand­veiðar þegar sýnt er að leyfi­leg­um heild­arafla hafi verið náð sam­kvæmt reglu­gerð sem ráðherra set­ur um strand­veiðar ár hvert.

Sam­kvæmt nýju frum­varpi Hönnu Katrín­ar Friðrik­son at­vinnu­vegaráðherra á Fiski­stofa ekki að stöðva strand­veiðar þetta fisk­veiðiár (2024/​​2025), en síðustu ár hafa strand­veiðar verið stöðvaðar í júlí þegar há­mark­inu er náð.

Nú­ver­andi ráðstöf­un afla­magns þorsks til strand­veiða er 10.000 tonn óslæg, en ætla má, miðað við óbreytt há­mark (774 kg) á dag, sam­bæri­legt veiðimynst­ur og í fyrra og að heim­ilt verði að veiða í 48 daga, að auka þurfi það afla­magn sem til ráðstöf­un­ar er á strand­veiðitíma­bil­inu 2025. Þær fisk­veiðiheim­ild­ir liggja ekki fyr­ir.

Frétt af mbl.is

„Meiri ró yfir sókn­inni hjá mönn­um“

Reynsla af tíma­bil­inu nýtt til framtíðar

Ráðherra yrði því einnig heim­ilt að ráðstafa auknu afla­magni til strand­veiða við nú­ver­andi á fisk­veiðiár­inu en viðbót­arafla­magn myndi drag­ast frá því magni sem dregið yrði frá heild­arafla­marki og ætti að fullu vera fært til baka eigi síðar en á fisk­veiðiár­inu 2028/​​2029.

Í frum­varp­inu seg­ir að reynsla af strand­veiðitíma­bil­inu yrði svo nýtt til að af­marka bet­ur breyt­ing­ar sem rík­is­stjórn­in vill gera til að tryggja 48 veiðidaga til framtíðar á strand­veiðum, en frum­varp þess efn­is verði ekki lagt fram fyrr en á næsta lög­gjaf­arþingi sem taki gildi á strand­veiðitíma­bil­inu 2026.

Kem­ur fram að við mat ráðherra á því hve mikið afla­magn verði flutt milli ára beri þess að gæta að ráðstöf­un­in verði ekki um­fram það sem nauðsyn­legt er til að ná sett­um mark­miðum um 48 veiðidaga og sé ekki veru­lega um­fram ráðgjöf Haf­rann­sókn­ar­stofn­un­ar, auk þess sem það gangi ekki gegn meg­in­mark­miðum fisk­veiðistjórn­un­ar­kerf­is­ins um sjálf­bær­ar fisk­veiðar.

Frá fisk­veiðiár­inu 2019-2020 til veiðiárs­ins 2023-2024 hafi sam­an­lagður þorskafli um­fram ráðgjöf Haf­rann­sókna­stofn­un­ar numið sam­tals 51.000 tonn­um sem sam­svari 4,35% af ráðlögðum heild­arafla á því tíma­bili.