Íris Ró­berts­dótt­ir, bæj­ar­stjóri í Vest­manna­eyj­um og formaður Sam­taka sjáv­ar­út­vegs­sveit­ar­fé­laga, seg­ir að bú­ast megi við því að frum­varpið um breyt­ing­ar á lög­um um veiðigjald muni hafa nei­kvæð áhrif á at­vinnu­grein­ina og lands­byggðina.

„Sjáv­ar­út­veg­ur­inn og fyr­ir­tæk­in í land­inu munu ör­ugg­lega halda að sér hönd­um til að sjá hver áhrif frum­varps­ins verða. Þetta mun að öll­um lík­ind­um hafa mjög nei­kvæð áhrif og draga úr fjár­fest­ing­um,“ seg­ir Íris í sam­tali við blaðamann að fundi lokn­um. 

Íris var viðmæl­andi á pall­borði á morg­un­fundi Sam­taka at­vinnu­lífs­ins (SA) í gær varðandi áhrif veiðigjalda og annarra skatta á fyr­ir­tæki.

„Við erum að kalla eft­ir auknu sam­ráði“

Aðspurð hvort haft hafi verið nægi­legt sam­ráð við sveit­ar­fé­lög­in við gerð frum­varps­ins seg­ir Íris að svo sé ekki. Hanna Katrín Friðriks­son at­vinnu­vegaráðherra var hins veg­ar ekki á sama máli á fund­in­um í morg­un. 

Frétt af mbl.is

Skilj­an­legt að fólk mót­mæli frum­varp­inu

„Sam­ráðið byrjaði alltof seint og við erum að kalla eft­ir auknu sam­ráði. Við telj­um að það sé ekki hægt að eiga þetta aukna sam­tal og sam­ráð nema það verði hægt á þessu ferli. Það verði þá að taka þetta hæg­ar, fram­kvæma betri grein­ing­ar og vinna með betri gögn. Ef það á að fara í hækk­an­ir þá þarf slíkt að ger­ast í þrep­um til þess að hægt sé að meta áhrif­in á sveit­ar­fé­lög­in og sam­fé­lög­in sem þessi fyr­ir­tæki eru í.”

Íris seg­ir að bú­ast megi við því að frum­varpið muni hafa nei­kvæð áhrif á at­vinnu­grein­ina og lands­byggðina.