„Þau þurfa að fara að setja fram for­gangs­röðun, því eins og þetta blas­ir við mér núna, þá er ekk­ert plan varðandi hvaða mál þau ætli að klára eða hvernig,“ seg­ir In­gj­örg Ólöf Isak­sen, þing­flokks­formaður Fram­sókn­ar­flokks­ins, spurð um hvort hún sé bjart­sýn á að þingið nái að klára fyr­ir­liggj­andi mál fyr­ir þinglok. Þetta kem­ur fram í sam­tali við mbl.is.

Tæp­lega tvær vik­ur eru til fyr­ir­hugaðrar þing­frest­un­ar 13. júní. Síðasti þing­fund­ur starfs­áætl­un­ar Alþing­is er 12. júní.

Ingi­björg seg­ir að þó að þing­menn myndu sitja á þing­inu út júní sé ljóst að ekki sé næg­ur tími til stefnu ef vanda ætti vinn­una við laga­setn­ing­una.

Mis­tök geti verið dýr­keypt

„Það ligg­ur í hlut­ar­ins eðli. Ég held að það sé afar mik­il­vægt að við vönd­um vinn­una. Því í mín­um huga snýst þetta ekki um að koma fjölda mála í gegn­um þingið með hraði. Þetta snýst um gæðin, því mis­tök við laga­setn­ingu geta verið mjög dýr­keypt,“ seg­ir Ingi­björg.

Ingi­björg seg­ist ótt­ast að mál­in fái ekki þá málsmeðferð sem þau þurfi inni í nefnd­um þings­ins. „Við erum með lýðræðis­legt ferli inni á Alþingi, viss mál eiga að fá viss­an tíma í um­sagn­ar­ferli og við köll­um til okk­ar um­sagnaraðila sem fara yfir sín­ar um­sagn­ir og svara spurn­ing­um nefnd­ar­manna. Síðan veg­ur meiri og minni­hluti þær um­sagn­ir og hvort eigi að gera ein­hverj­ar breyt­ing­ar á frum­vörp­um eða ekki,“ seg­ir þing­flokks­formaður­inn.

Um­deild mál liggi fyr­ir

Þetta seg­ir Ingi­björg vera lýðræðis­lega mik­il­vægt. „Ef hraðinn á að vera slík­ur að það eigi að keyra mál hér í gegn án slíkr­ar umræðu. Þá hef ég áhyggj­ur af því að það halli veru­lega á lýðræðið í land­inu,“ seg­ir Ingi­björg.

Ingi­björg seg­ir mörg mik­il­væg mál liggja fyr­ir sem verði að klára. Þá séu einnig um­deild mál sem liggi fyr­ir sem þurfi lengri tíma. Þar vís­ar hún til veiðigjalda­frum­varps­ins. Það seg­ir hún hafa fengið lít­inn tíma í sam­ráðsgátt í sögu­legu sam­hengi.

„Það er auðvitað rík­is­stjórn­in sem er með dag­skrár­valdið til að for­gangsraða þeim mál­um sem hún vilja klára,“ seg­ir Ingi­björg.

„Að mínu mati, þá virðist ekki vera nein for­gangs­röðun og ekk­ert plan,“ seg­ir hún.