Bergþór Ólason, þing­flokks­formaður Miðflokks­ins, seg­ir nýtt frum­varp at­vinnu­vegaráðherra um strand­veiðitíma­bil í sum­ar vera með ólík­ind­um. Þá bendi tíma­setn­ing fram­lagn­ing­ar frum­varps­ins til þess að umræða um það verði sem minnst.

Greint hef­ur verið frá því að Hanna Katrín Friðriks­son at­vinnu­vegaráðherra vilji víkja frá skyld­um Fiski­stofu um að stöðva strand­veiðar svo að hægt verði að tryggja 48 daga strand­veiðitíma­bil í sum­ar.

Ráðherra yrði einnig heim­ilt að ráðstafa auknu afla­magni til strand­veiða á fisk­veiðiár­inu en viðbót­arafla­magn myndi drag­ast frá því magni sem dregið yrði frá heild­arafla­marki og ætti að fullu að vera fært til baka eigi síðar en á fisk­veiðiár­inu 2028/ 2029.

Frétt af mbl.is

Legg­ur fram frum­varp til að tryggja 48 daga

Komið sér und­an svör­um mánuðum sam­an

„Þetta er nú al­veg með ólík­ind­um, þessi út­færsla at­vinnu­vegaráðherra, sem bann­ar þarna Fiski­stofu að stöðva strand­veiðar á fisk­veiðiár­inu þegar kvót­inn er bú­inn,“ seg­ir Bergþór í sam­tali við mbl.is.

„Við í stjórn­ar­and­stöðunni höf­um, al­veg frá því að þessi áform voru kynnt fyrst, verið að óska eft­ir því að at­vinnu­vegaráðherra upp­lýsi hvaðan hún ætl­ar að taka þessa viðbót­ar­veiðiheim­ild en ráðherr­ann hef­ur svona komið sér und­an því vik­um og mánuðum sam­an.“

Verið að hunsa ráðgjöf Haf­rann­sókna­stofn­un­ar

„Núna er í raun­inni tek­in þessi ákvörðun að rúlla þessu áfram í ein­hvers kon­ar gúmmítékka, allt til næsta kjör­tíma­bils,“ seg­ir Bergþór og nefn­ir að miðað við hið nýja reglu­verk yrði um­fram­keyrsla hvers árs ekki jöfnuð út fyrr en á fisk­veiðiár­inu sem lyki árið 2029.

„[Það] er á næsta kjör­tíma­bili þannig að þetta er allt mik­il furða og það að menn núna, með þess­um hætti í fyrsta skipti, ákveði að hunsa ráðgjöf Haf­rann­sókna­stofn­un­ar – það er auðvitað stór­póli­tísk frétt og greini­lega til þess ætluð að friða Flokk fólks­ins en dýr verður Flokk­ur fólks­ins all­ur með þessu áfram­haldi,“ seg­ir Bergþór og vís­ar þar til þess að Flokk­ur fólks­ins lagði mikla áherslu á að tryggja 48 daga strand­veiðitíma­bil í sum­ar í síðustu þing­kosn­ing­um.

Frétt af mbl.is

Sátt­ur við af­nám stöðvun­ar­heim­ild­ar

Eins og það sé mark­mið að tryggja að eng­in umræða eigi sér stað

Aðspurður seg­ir Bergþór mik­il­vægt að það komi fram hvaðan ráðherr­ann hygg­ist sækja viðbót­arafla­heim­ild­ir, þ.e. hvort það yrði í sér­tæka byggðarkvót­ann, línuíviln­un­ina eða skel- og rækju­bæt­ur.

„Þetta eru allt sam­an upp­lýs­ing­ar sem við höf­um verið að kalla eft­ir frá því að þessi rík­is­stjórn var skrúfuð sam­an og enn kem­ur ráðherr­ann sér und­an því að upp­lýsa um þetta.“

Núna eru rétt rúm­ar tvær vik­ur í að þingið fari í sum­ar­frí, áttu von á því að það ná­ist að af­greiða frum­varpið fyr­ir þann tíma?

„Það kæmi mér mjög á óvart,“ seg­ir Bergþór og held­ur áfram:

„Og það væri sér­stakt ef ráðherra biðst und­an því að málið verði sent út til um­sagn­ar sem að manni renn­ur nú í grun miðað við tíma­setn­ingu fram­lagn­ing­ar máls­ins. Af því að það að vera að setja þetta fram núna um mánaðamót­in maí-júní, þegar það er heill mánuður síðan strand­veiðar hóf­ust, það er eins og það sé sér­stakt mark­mið að tryggja það að eng­in umræða verði um þetta mál, eða alla­vega sem allra minnst.“