Þor­björg Krist­ins­dótt­ir, alltaf kölluð Tobba, er mik­ill fag­ur­keri með skemmti­lega lit­rík­an fata­stíl. Hún er 23 ára kenn­ara­nemi við Há­skóla Íslands og legg­ur áherslu á mynd­list­ar­kennslu og sjón­list­ir. Hún starfar í íbúðar­kjarna fyr­ir geðfatlaðar kon­ur í Reykja­vík og vinn­ur líka við að fram­leiða efni fyr­ir sam­fé­lags­miðla. Hún lýs­ir sjálfri sér sem list­ræn­um hugs­anda, skap­andi mann­eskju sem hef­ur mik­inn áhuga á tísku og trend­um.

Hvað er það fal­leg­asta sem þú átt?

„Það er fal­legi pels­inn minn með kúa­mynstri sem ég keypti í Par­ís­ar­ferð með kær­ast­an­um mín­um í vet­ur. Mér finnst þetta vera ein­stök flík og fæ mikið hrós þegar ég klæðist hon­um.“

Pels­inn með kúa­mynstr­inu er fal­leg­asta flík­in í fata­skáp Þor­bjarg­ar.

Þor­björg fór í ferð með kær­asta sín­um til Par­ís­ar í vet­ur.

Hvað keypt­ir þú síðast?

„Gula Adi­das Gazelle-striga­skó.“

Gul­ir Gazelle-skór frá Adi­das eru nýj­ustu kaup Þor­bjarg­ar.

Hvert er þitt upp­á­halds­hús­gagn?

„Það er göm­ul steríógræja frá ca. 1961, Huldra, frá Nor­egi. Afi minn, sem er fall­inn frá, keypti hana á sín­um tíma og var þetta fyrsta steríógræj­an sem kom til Ólafs­vík­ur. Græj­an er úr tekkviði og er bæði plötu­spil­ari, seg­ul­band og út­varp.“

Upp­á­halds­hús­gagnið er frá afa henn­ar en það er steríógræja frá ár­inu 1961.

Hvernig efni finnst þér fal­leg­ust?

Ég elska fal­leg­ar flík­ur úr galla­efni og klæðist mikið bæði galla­kjól­um, -jökk­um og -bux­um í alls kon­ar lit­um.“

Áttu þér upp­á­halds­fata­hönnuð?

„Dona­tellu Versace. Ég dæmi aðallega út frá rauðadreg­ilsviðburðum sem ég fylg­ist með eins og til dæm­is Met Gala.“

Hvaða tísku­hús var fyrst í röðinni til að heilla þig upp úr skón­um?

„Ég get ekki sagt að neitt eitt tísku­hús hafi heillað mig á und­an öðrum en eft­ir að ég fór til Mílanó haustið 2023 og fór í Prada í Galler­ia Vitt­orio Em­anu­ele II heillaðist ég mjög af þeim og fannst það mik­il upp­lifun.“

Áttu þér upp­á­halds­fata­versl­un hér á landi?

„Gina Tricot er klár­lega mín upp­á­halds frá því hún kom til lands­ins. Þar er hægt að finna bæði tísku, kósí og hvers­dags­fatnað sem er í þess­um skandi­nav­íska stíl sem ég elska að fylgja.“

Hver er upp­á­halds­snyrti­var­an?

„CC-kremið frá Er­bori­an, sem mýk­ir húðina og dreg­ur úr sýni­leika þurra lína sem geta mynd­ast á húðinni og það inni­held­ur einnig sól­ar­vörn. Ég nota það bæði hvers­dags og fyr­ir fína förðun og það bregst mér aldrei.“

Hver er upp­á­halds­morg­un­mat­ur­inn þinn?

„Hafra­graut­ur sem kærast­inn minn býr til alla morgna fyr­ir okk­ur. Það er líka mik­il gæðastund sem við eig­um sam­an.“

Hvað keypt­ir þú síðast inn á heim­ilið?

„Verk eft­ir Suru af sýn­ing­unni Drottn­ing­ar sem var sett upp núna á Hönn­un­ar­mars 2025. Á verk­inu stend­ur „Drottn­ing á mínu heim­ili“.“

Upp­á­haldsilm­ur?

„Burberry Goddess er dá­sam­leg­ur vanilluilm­ur sem mér finnst henta á öll­um árstíðum.“

Besti dag­ur lífs­ins?

„Það er von­laust fyr­ir mig að segja einn ákveðinn dag en það eru dag­arn­ir þar sem ég næ að njóta í nú­inu með fólk­inu sem mér þykir vænt um.“

Upp­á­halds­hlaðvarp?

„Það er með Ingu Kristjáns­dótt­ur. Ég elska alla þætti, mynd­ir og hlaðvörp um saka­mál og ég hef verið í áskrift hjá Ill­verk í fimm ár. Finnst ég samt verða að minn­ast einnig á Teboðið hjá Birtu líf og Sunn­evu Ein­ars þar sem þær fjalla mikið um tísku og önn­ur trend sem eru í gangi. Þær eru alltaf fyrst­ar með slúður­frétt­irn­ar af fræga fólk­inu sem ég hef mjög gam­an af.“

Upp­á­halds­sam­fé­lags­miðill?

„Það er mjög erfitt að gera upp á milli In­sta­gram og TiktTok en ef ég þyrfti að velja þá væri það það síðar­nefnda. Mér finnst svo gam­an að upp­götva nýja tónlist og tísku hjá öðru fólki. Einnig verð ég að nefna pin­t­erest þar sem ég fæ mik­inn inn­blást­ur varðandi tísku og pós­ur fyr­ir mynd­ir.“

Þor­björg hef­ur mik­inn áhuga á snyrti­vör­um, tísku og tísku­straum­um.