Úkraínu­menn segj­ast hafa ráðist á um 40 rúss­nesk­ar sprengiþotur í dróna­árás í dag. BBC grein­ir frá.

Sam­kvæmt yf­ir­lýs­ingu frá ör­ygg­isþjón­ustu Úkraínu, SBU, stend­ur hún nú í stór­felldri hernaðaraðgerð þar sem mark­miðið er að eyðileggja sprengjuflug­vél­ar. Þar seg­ir einnig að meira en 40 flug­vél­ar hafi skemmst í árás­inni.

Fregn­ir herma að eitt stærsta skot­mark Úkraínu­manna séu flug­vél­ar á Olenya-flug­vell­in­um, ná­lægt Múrm­ansk, en sam­kvæmt rúss­nesk­um fjöl­miðlum hafa lofta­varn­ar­kerfi þar verið virkjuð. 

Úkraínsk yf­ir­völd hafa einnig lýst því yfir að 472 drón­ar og sjö skot- og stýrif­laug­ar hafi hitt um 385 skot­mörk í gær­kvöldi.