Írski fata­hönnuður­inn Jon­ath­an And­er­son hef­ur tekið við öll­um deild­um tísku­húss­ins Dior sem list­rænn stjórn­andi. Það er kvennalína, karla­lína, há­tísku­lína og fylgi­hlut­ir. Daga­tal And­er­son verður ansi þétt þar sem hann mun þurfa að hanna fjór­ar kvennalín­ur, fjór­ar karla­lín­ur og tvær há­tísku­lín­ur á ári fyr­ir Dior. 

Þetta er sögu­legt skref hjá tísku­hús­inu en And­er­son er fyrsti hönnuður­inn, síðan Christian Dior var sjálf­ur við völd, til að sjá um list­ræna sýn fyr­ir allt tísku­húsið. 

Þær frétt­ir bár­ust í lok síðustu viku að Maria Grazia Chiuri hefði sagt upp störf­um hjá Dior eft­ir níu ár hjá fyr­ir­tæk­inu.

Frétt af mbl.is

Seg­ir upp störf­um eft­ir níu ár

Það eru mikl­ar von­ir bundn­ar við ráðningu And­er­son sem kem­ur frá spænska tísku­hús­inu Loewe. 

„Óviðjafn­an­leg­ir og list­ræn­ir til­b­urðir hans verða mik­il­væg­ir í næsta kafla Dior-húss­ins,“ sagði Bern­ard Arnault, stjórn­ar­formaður LVMH, fé­lags­ins sem á Dior. 

Fatalín­urn­ar átta eru þó aðeins fyr­ir Dior en það eru fleiri verk­efni sem bíða hans á ári hverju. And­er­son er einnig list­rænn stjórn­andi eig­in fata­merk­is, JW And­er­son, og fram­leiðir sex fatalín­ur á ári fyr­ir kon­ur og karla. Einnig er hann hönnuður sér­stakr­ar fatalínu í sam­starfi við Un­iqlo, JW And­er­son x Un­iqlo. Í heild­ina mun hann því hanna átján fatalín­ur á ári. 

Frum­raun hans hjá tísku­hús­inu lít­ur dags­ins ljós í Par­ís þann 27. júní næst­kom­andi þegar hann sýn­ir karla­lín­una fyr­ir sum­arið 2026.