Friðarviðræður Úkraínu og Rúss­lands halda áfram í Ist­an­búl í Tyrklandi í dag en full­trú­ar ríkj­anna hitt­ust í fyrsta sinn frá því stríðið hófst 2022 í tyrk­nesku höfuðborg­inni um miðjan maí.

Sá fund­ur skilaði frek­ar litl­um ár­angri en þó náðist sam­komu­lag um um­fangs­mik­il fanga­skipti, þau mestu frá því stríðið hófst.

Frétt af mbl.is

Selenskí seg­ir Rússa verðskulda árás­ina

Ru­stem Umerov varn­ar­málaráðherra fer fyr­ir úkraínsku sendi­nefnd­inni en  Vla­dimir Med­in­sky, einn helsti rágjafi Vla­dimírs Pútíns, leiðir rúss­nesku sendi­nefnd­ina.

Volodimír Selenski Úkraínu­for­seti sagði í gær að stjórn­völd í Rússlandi muni gera allt sem í þeirra valdi stend­ur til að tryggja að fund­ur­inn í dag verði ár­ang­urs­laus og bend­ir hann á að Rúss­ar hafi ekki lagt fram nein­ar samn­inga­til­lög­ur fyr­ir fund­inn.

Frétt af mbl.is

Sprengdu flug­vél­arn­ar við upp­haf friðarviðræðna (Mynd­skeið)

Viðræðurn­ar í dag koma í kjöl­far öfl­ugra dróna­árása Úkraínu­manna um helg­ina sem grandaði fjölda sprengjuflug­véla rúss­neska hers­ins. Selenskí sagði að árás­in hafi heppn­ast frá­bær­lega án blóðsút­hell­inga en úkraínsku leyniþjóst­unni tókst að gera um 34% af árás­arflug­vél­um rúss­neska hers­ins óstarf­hæf­ar.