Guðrún Haf­steins­dótt­ir, formaður Sjálf­stæðis­flokks­ins, ger­ir al­var­leg­ar at­huga­semd­ir við vinnu­brögð stjórn­ar­liða í alls­herj­ar- og mennta­mála­nefnd í tengsl­um við veit­ingu rík­is­borg­ara­rétt­ar. Henni finnst Alþingi ekki eiga að veita rík­is­borg­ara­rétt nema í und­an­tekn­ing­ar­til­fell­um. 

Þetta kem­ur fram í sam­tali henn­ar við mbl.is en Guðrún bókaði um málið á fundi alls­herj­ar- og mennta­mála­nefnd­ar. 

Víðir Reyn­is­son, formaður alls­herj­ar- og mennta­mála­nefnd­ar, greip inn í mál Oscars Boco­negra sem vísa átti úr landi með því að hafa sam­band við Útlend­inga­stofn­un og full­yrða við stofn­un­ina að yf­ir­gnæf­andi lík­ur væru á því að Oscar myndi fá ís­lensk­an rík­is­borg­ara­rétt veitt­an frá Alþingi. Útlend­inga­stofn­un hætti því við brott­vís­un­ina.

Frétt af mbl.is

Ákvað sjálf­ur að upp­lýsa Útlend­inga­stofn­un

Póli­tísk ákvörðun

Það er aft­ur á móti sér­stök þriggja manna und­ir­nefnd sem starfar und­ir alls­herj­ar- og mennta­mála­nefnd sem á að af­greiða um­sókn­ir sem ber­ast Alþingi um rík­is­borg­ara­rétt.

„Svo tek­ur hann [Víðir] bara sjálf­stæða ákvörðun um að hringja í Útlend­inga­stofn­un. Ég tel að hér sé bara um póli­tíska ákvörðun að ræða sem eng­inn brag­ur er af og ljóst að ekki er verið að gæta jafn­ræðis milli um­sækj­enda um rík­is­borg­ara­rétt sem ligg­ur fyr­ir Alþingi,“ seg­ir Guðrún í sam­tali við mbl.is.

Nefn­ir hún að Víðir hafi í fjöl­miðlum vísað til nýrra gagna í máli Oscars, sem hafi meðal ann­ars valdið því að hann ákvað að grípa til aðgerða. Aft­ur á móti hafi nefnd­inni ekki borist nein ný gögn.

Frétt af mbl.is

Víðir Reyn­is­son sakaður um trúnaðar­brot

Eigi ekki að hafa af­skipti af stofn­un­um út í bæ

Hún bend­ir á að tvisvar á ári – að vori og í des­em­ber – taki und­ir­nefnd­in fyr­ir um­sókn­ir um rík­is­borg­ara­rétt til skoðunar og leggi til hverj­ir ættu að fá rík­is­borg­ara­rétt veitt­an af Alþingi.

„Mér finnst þetta óeðli­leg af­skipti for­manns af störf­um nefnd­ar­inn­ar. Nefnd­in hef­ur nýhafið störf og er með yfir 300 um­sókn­ir,“ seg­ir Guðrún.

Hún kveðst ekki vilja fara sér­stak­lega í ein­staka mál en seg­ir að það hefði farið bet­ur á því – ef það væri ein­hver ein­stak­ling­ur í hópi þess­ara 300 um­sækj­enda sem lægi mikið á að fá samþykkt – ef und­ir­nefnd­in eða meiri­hluti alls­herj­ar- og mennta­mála­nefnd­ar hefði lagt til frum­varp um rík­is­borg­ara­rétt fyr­ir þann ein­stak­ling, sem Alþingi hefði þá getað af­greitt í gær.

„Að formaður nefnd­ar­inn­ar sé ekki að hafa af­skipti af stofn­un­um hér út í bæ,“ seg­ir hún.

Frétt af mbl.is

Frum­varp um ís­lensk­an rík­is­borg­ara­rétt Oscars lík­legt

„Eitt­hvað mikið rangt við þessa aðferðafræði“

Guðrún kveðst vera á þeirri skoðun að Alþingi eigi ekki að veita rík­is­borg­ara­rétt eins og gert hef­ur verið á síðustu árum. Því þurfi að fara fram heild­ar­end­ur­skoðun á lög­um um rík­is­borg­ara­rétt.

„Ég er á þeirri skoðun per­sónu­lega að Alþingi eigi ein­ung­is að veita rík­is­borg­ara­rétt í al­gjör­um und­an­tekn­ing­ar­til­fell­um. Það væri kannski einu sinni á 10 ára fresti eða eitt­hvað slíkt,“ seg­ir Guðrún.

Henni þykir eitt­hvað rangt við það að ein­stak­ling­ar sem upp­fylli ekki skil­yrði til hæl­is og fái synj­un um vernd frá tveim­ur stjórn­sýslu­stig­um geti leitað ásjár Alþing­is og fengið vernd þannig.

„Mér finnst eitt­hvað mikið rangt við þessa aðferðafræði og tel að það verði að breyta því.“