„Ég hef haft ákveðnar áhyggj­ur af landa­mær­un­um en við erum líka að grípa til ákveðinna aðgerða,“ seg­ir Kristrún Frosta­dótt­ir for­sæt­is­ráðherra.

Mik­il umræða hef­ur átt sér stað að und­an­förnu um eft­ir­lit á landa­mær­um Íslands. Var t.a.m. greint frá því í gær að tak­markað gagn er af farþegalist­um í þágu lög­gæslu þegar flogið er til lands­ins frá öðrum aðild­ar­ríkj­um Schengen-svæðis­ins, þar sem þær upp­lýs­ing­ar sem farþegar gefa eru ekki staðfest­ar með vega­bréfa­eft­ir­liti.

Þá hef­ur Úlfar Lúðvíks­son, fyrr­ver­andi lög­reglu­stjóri Suður­nesja, farið mik­inn síðan hann lét af störf­um sem lög­reglu­stjóri og t.d. sagt að æðstu stjórn­end­ur rík­is­ins hafi látið und­ir höfuð leggj­ast að taka á bráðavanda sem fel­ist í því að innri landa­mæri Schengen-svæðis­ins séu gal­op­in.

Frétt af mbl.is

Tak­markað gagn að farþegalist­un­um

Frétt af mbl.is

Ráðuneyt­is­stjór­inn víki sök­um þjóðarör­ygg­is

Ekki hafi verið tekið nógu föst­um tök­um á farþega­upp­lýs­ing­um

Í sam­tali við mbl.is seg­ist Kristrún hafa haft áhyggj­ur af stöðunni á landa­mær­un­um síðustu ár. Ekki hafi verið tekið nógu föst­um tök­um á því þegar kæmi að því hvernig óskað sé eft­ir upp­lýs­ing­um frá farþegum annarra landa.

„Við erum að taka á þessu í nýju frum­varpi. Við stefn­um líka á að vera með grein­ing­armiðstöð sem verður sett á fót á landa­mær­un­um og að það verði brott­far­armiðstöð sem verði líka sett á fót.

Það er ým­is­legt í far­vatn­inu sem þessi rík­is­stjórn er með til þess að styrkja landa­mær­in,“ seg­ir Kristrún.

Frétt af mbl.is

Brott­far­ar­stöð vant­ar fyr­ir brott­vísað fólk

Frétt af mbl.is

Skila­boð lög­reglu­stjór­ans: „Þurf­um að vakna“