Banda­ríski leik­ar­inn Jon­ath­an Joss var skot­inn til bana í fyrra­dag þegar hann og eig­inmaður hans heim­sóttu gamla heim­ili sitt í San Ant­onio í Texas, sem brann í janú­ar síðastliðnum.

Joss var 59 ára gam­all og hvað þekkt­ast­ur fyr­ir að tal­setja John Redcorn í teikni­myndaþátt­un­um King of the Hill. Hann var þá einnig þekkt­ur fyr­ir hlut­verk sitt í gam­anþátt­un­um Parks and Recreati­on en þar lék hann Chi­ef Ken Hota­te.

Eig­inmaður Joss, Trist­an Kern de Gonza­les, seg­ir morðið hafa verið hat­urs­glæp vegna þess að hann var sam­kyn­hneigður.

Lög­regl­an í Texas seg­ist ekki hafa nein­ar sann­an­ir fyr­ir því.

„Þegar við kom­um aft­ur á gamla heim­ilið okk­ar til að skoða póst­inn sáum við höfuðkúpu hunds­ins okk­ar og beisli hans í aug­sýn. Við byrjuðum að öskra og gráta vegna þess sem við sáum. Þá kem­ur maður til okk­ar sem byrj­ar að öskra of­beld­is­full og hómó­fób­ísk niðrandi orð að okk­ur, lyfti svo byssu og skaut.“ seg­ir Gonza­les í Face­book-færslu sinni.

Sig­fredo Al­varez Ceja hef­ur verið hand­tek­inn vegna gruns um morðið.

BBC