Flóttafólk á Íslandi | 3. júní 2025
Víðir Reynisson sakaður um trúnaðarbrot
Sigríður Á. Andersen, þingmaður Miðflokksins, telur að Víðir Reynisson, þingmaður Samfylkingarinnar, hafi brotið trúnað gagnvart allsherjar- og menntamálanefnd, sem hann gegnir formennsku í.
Víðir Reynisson sakaður um trúnaðarbrot
Flóttafólk á Íslandi | 3. júní 2025
Setja bókamerki
Sigríður Á. Andersen, þingmaður Miðflokksins, telur að Víðir Reynisson, þingmaður Samfylkingarinnar, hafi brotið trúnað gagnvart allsherjar- og menntamálanefnd, sem hann gegnir formennsku í.
Sigríður Á. Andersen, þingmaður Miðflokksins, telur að Víðir Reynisson, þingmaður Samfylkingarinnar, hafi brotið trúnað gagnvart allsherjar- og menntamálanefnd, sem hann gegnir formennsku í.
Þetta kom fram í ræðu Sigríðar á Alþingi fyrr í dag undir liðnum störf þingsins.
Víðir greip inn í mál Oscars Boconegra sem vísa átti úr landi með því að hafa samband við Útlendingastofnun og fullyrða við stofnunina að yfirgnæfandi líkur væru á því að Oscar myndi fá veittan íslenskan ríkisborgararétt frá Alþingi. Útlendingastofnun hætti því við brottvísunina.
Undraðist ummæli Víðis í fjölmiðlum
Sérstök þriggja manna undirnefnd starfar undir allsherjar- og menntamálanefnd sem afgreiðir umsóknir sem berast Alþingi um ríkisborgararétt.
„Það vakti þess vegna undrun mína að lesa í fjölmiðlum bæði í gær og í dag ummæli háttvirts formanns allsherjar- og menntamálanefndar, Víðis Reynissonar, um málsmeðferðina og líklega afgreiðslu þessara mála í nefndri undirnefnd,“ sagði Sigríður.
Hún rakti svo málavexti eins og Víðir hefur gefið upp í fjölmiðlum, að hann hafi sett sig í samband við Útlendingastofnun með það að markmiði að koma í veg fyrir brottvísun Oscars.
„Ég geri verulega athugasemd“
„Ég geri verulega athugasemd við þessa framgöngu formanns háttvirtar allsherjar- og menntamálanefndar. Ég spyr auðvitað hvaðan honum hafi komið umboð til þess að tjá sig með þessum hætti og hafa afskipti af lögmætum kæruferlum og lögmætri stjórnsýslu, ákveðnum stjórnsýsluferlum með þessum hætti,“ sagði Sigríður og bætti við:
„Að mínu mati, virðulegur forseti, hefur háttvirtur formaður allsherjar- og menntamálanefndar, Víðir Reynisson, brotið trúnað við háttvirta allsherjar- og menntamálanefnd, ekki bara undirnefnd þá sem ég nefndi hér í upphafi heldur alla nefndina. Ég tel ekki fara vel á því að svona framganga verði látin átölulaus hér á þinginu.“
/frimg/1/54/14/1541441.jpg)
/frimg/1/57/64/1576446.jpg)
