Banda­ríski tón­list­armaður­inn Iggy Pop tryllti lýðinn á raf­mögnuðum tón­leik­um í Manchester-borg á laug­ar­dags­kvöldið, að sjálf­sögðu ber að ofan.

Pop, gjarn­an titlaður guðfaðir pönk­tón­list­ar­inn­ar, er núna, að öllu óbreyttu, á síðasta tón­leika­ferðalagi sínu og hyggst leggja míkra­fón­inn á hill­una að því loknu, en tón­list­armaður­inn á að baki lang­an og far­sæl­an fer­il sem spann­ar hátt í 60 ár.

Hinn 78 ára gamli Pop, sem heit­ir réttu nafni James Newell Oster­berg Jr., hef­ur aldrei látið ald­ur­inn stoppa sig og sýndi og sannaði að ald­ur er bara tala er hann hoppaði um sviðið og hljómaði al­veg eins og í gamla daga þegar hann flutti nokk­ur af vin­sæl­ustu lög­um sín­um, þar á meðal The Passenger, við mik­inn fögnuð viðstaddra.

Tón­list­armaður­inn er þó með góðan húm­or fyr­ir sjálf­um sér og er meðvitaður um hækk­andi ald­ur, þrátt fyr­ir að vera ung­ur í anda, og lauk tón­leik­un­um á ansi eft­ir­minni­leg­an máta.

Pop lagðist ofan í lík­kistu og lét sviðsmann ýta henni út af sviðinu við dynj­andi lófa­klapp ánægðra aðdá­enda, en slíkt gera aðeins al­vöru rokk­stjörn­ur.