Dagmál | 4. júní 2025
Göngum lengst Norðurlanda í uppsagnarvernd
Rík uppsagnarvernd opinberra starfsmanna byggir á 71 árs gömlum lögum sem eru ekki lengur í takt við tímann. Þetta er skoðun framkvæmdastjóra Viðskiptaráðs Íslands, Björns Brynjúlfs Björnssonar.
Göngum lengst Norðurlanda í uppsagnarvernd
Dagmál | 4. júní 2025
Setja bókamerki
Rík uppsagnarvernd opinberra starfsmanna byggir á 71 árs gömlum lögum sem eru ekki lengur í takt við tímann. Þetta er skoðun framkvæmdastjóra Viðskiptaráðs Íslands, Björns Brynjúlfs Björnssonar.
Rík uppsagnarvernd opinberra starfsmanna byggir á 71 árs gömlum lögum sem eru ekki lengur í takt við tímann. Þetta er skoðun framkvæmdastjóra Viðskiptaráðs Íslands, Björns Brynjúlfs Björnssonar.
Í Dagmálum í dag ræðir Björn þessa ríku uppsagnarvernd en Viðskiptaráð hefur tekið saman greinagerð um þessa stöðu sem þeir kalla Svartir sauðir, glatað fé: uppsagnarvernd opinberra starfsmanna. Ráðið áætlar að kostnaður vegna þess að svartir sauðir haldast áfram í störfum sínum á kostnað skattgreiðenda og samstarfsfólks, nemi á bilinu 30 til 50 milljörðum á ári.
Með fréttinni fylgir hluti af viðtalinu við Björn Brynjúlf, þar sem farið er yfir þessa stöðu frá mörgum hliðum. Þannig skoðaði ráðið samanburð við löggjöf annarra Norðurlanda og Ísland gengur lengst þegar kemur að uppsagnarvernd.
Þegar lög um opinbera starfsmenn voru sett árið 1954 var fyrst og fremst um að ræða embættismenn og aðra sem fóru með boðvald. Náðu lögin þá til um 7 prósenta vinnumarkaðarins. Nú er öldin önnur og lögin og þar með uppsagnarverndin taka til um þriðjungs vinnumarkaðar og hleypur fjöldi þeirra sem vinna hjá ríki og sveitarfélögum á bilinu 40 til 50 þúsund manns.
Telja rétt að afnema umframverndina
Viðskiptaráð telur rétt að afnema þá umframvernd sem opinberir starfsmenn njóta hvað þetta áhrærir enda almennt viðurkennt meðal stjórnenda hjá hinu opinbera að lögin geri miklar formkröfur og segir Björn Brynjúlfur að yfirgnæfandi meirihluti stjórnenda hjá hinu opinbera veigri sér við uppsögnum samkvæmt lögunum og beiti fremur öðrum aðferðum á borð við að fela vanhæfum starfsmönnum ekki verkefni, eða skýla sér bak við skipulagsbreytingar.
Björn hefur trú á því að nú kunni að koma til þess að þessum lögum á eftirlaunaaldri verði loks breytt og vitnar til þess að hagræðingarhópur ríkisstjórnarinnar nefndi þau til sögunnar í sinni vinnu.
Hér er hlaupið á nokkrum hlutum úr viðtalinu þar sem Björn ræðir þessa stöðu. Viðtalið í heild sinni geta áskrifendur Morgunblaðsins nálgast í heild sinni með því að smella á hlekkinn hér að neðan.
